نشطاء فيسبوك يعلنون الحرب على الذهب ويطالبون بالشبكة الفضة

دشن عدد من النشطاء على موقع التواصل الاجتماعي، فيسبوك، حملة جديدة لتغيير عادات الزواج في مصر.

وجاءت الحملة تحت عنوان: "مش عاوزه شبكه دهب الفضة أحلى"، للمطالبة بإلغاء الشبكة الذهب بعد الارتقاع الجنوني في أسعاره مؤخرا، مطالبين باستبدالها بالشبكة الفضية.

وشهدت صفحة الحملة عددا من المناقشات حول القضية، حيث قال أحد النشطاء: "والله أنا شايف أن الموضوع في ايد العروسة وأهلها، عني مثلا لو هم شايفين أن الشخص ده مناسب لبنتهم وبنتهم راضية بيه حالته المادية إلى حد ما كويسة ومعاه شقة ومكنش عنده مانع كان يجيب دهب لو الدهب رخيص شوية يبقى تمام ليه لا".

وقال آخر: "على فكره والله. ياجماعة الجواز ده عشره مش شرا وبيع وعلي فكره اكتر الشعب ده مش فاهم معني الجواز بجد لان من يؤتمن علي العرض لا يسال علي مال".

وقالت ناشطة: "مش مهم الدهب ولا حتى الفضة المهم انه يكون زوج صالح وان اخلاقه تكون كويسه ساعتها هيعرف يسعدك حتى لو من غير ولا دهب ولا فضه لان دى كلها حاجات ملهاش لازمه وممكن تيجى بعدين وانتوا مع بعض اهم حاجه انك تبقي سعيده".