خالد الغندور عن إعلان الأهلي التعاقد مع كهربا: مستنيين الزمالك يتغلب من بيراميدز

علق خالد الغندور لاعب الزمالك السابق، علي تعاقد النادي الأهلي مع لاعب الأبيض السابق محمود عبد المنعم كهربا.

وكتب الغندور عبر صفحته الشخصية عبر "فيسبوك" الأهلي أجل إعلانه لكهربا عشان كانوا مستنيين الزمالك يتغلب من بيراميدز أو يتعادل، بس سبحان الله الزمالك لعب ماتش رائع وأعلن التعاقد مع كهربا انهاردة، وعشان ينسوا الناس أداء الزمالك بتاع امبارح

وأضاف، الأهلي هو اللي حرض كهربا على الهروب، ودفعوله مبلغ كبير عشان النادي البرتغالي يدفعه غرامة للزمالك، أنا كده أشك في كهربا لما ضيع ضربة الجزاء في ماتش السوبر قدام الأهلي.

وأكمل، أمير مرتضى عرض على كهربا زيادة عقده لـ 8 مليون زي طارق حامد أعلى لاعب مصر، قاله لا أنا عايز زي فرجاني ساسي اللي بيدفعله فلوسه في الوقت ده تركي آل الشيخ كان 18 مليون.

وأختتم، معلومة مؤكدة أن الزمالك هيتقدم بشكوى ضد الأهلي للفيفا لأنهم متواطئين وحرضوا اللاعب على الهروب.