قال مرتضى منصور رئيس نادي الزمالك، إن إدارة النادي هي من تحملت عقود بعض اللاعبين خلال الفترة الماضية بعد رحيل تركي آل الشيخ رئيس هيئة الترفية في السعودية من الساحة الرياضية في مصر.
اقرأ أيضا.. مرتضى منصور للاعبي الزمالك: مش إحنا اللي نخسر من طلائع الجيش (فيديو)
وقال مرتضى منصور خلال جلسة مع لاعبي الزمالك، أن عقد فرجاني ساسي كان يتحمله تركي آل شيخ، ولكن الان يتحمل مجلس الادارة كل التكاليف الخاصة باللاعب.
وأكمل، نشكر تركي آل شيخ على ما دفعه للنادي وتحمل الزمالك دفع باقي عقد اللاعب، مش هنعمل مثلما فعل الأهلي ونشتم بعض عشان إحنا محترمين وأصحاب قيم ومبادئ.
وأكد رئيس الزمالك، أن النادي قادر علي دفع المستحقات المالية المتأخرة للاعبين، مشرََا اللي قدامي ناقص 16 مليون للاعيبة وممكن أدفعهم دلوقتي ومفيش مشكلة خالص، بس مش هعمل كده بلوي الدراع، أديكم فلوس على هزائم ؟ الطلائع طلع 3 طلعات بـ 3 أجوال".
وأضاف:"أسمع أن اللاعيبة مش عايزة تنزل التمرين عشان تاخد فلوسها الأول ؟ لا يطلعوا بره متلزمنيش، النادي في أزمة عشان الشركة الراعية في أزمة".
وأشار رئيس الزمالك إلى أنه سدد نحو ما يقرب 100 مليون جنيه للاعبين الذين تقدمو ضد الزمالك بشكوى للفيفا والمحكمة الرياضية الدولية قائلا:" دفعت 96 مليون جنيه لللاعيبة اللي اشتكتنا في الفيفا عشان ميخصموش نقاط مننا تقوموا انتوا تخسروا نقاط؟ ياريتني ما دفعتهم".
تابعوا آخر أهل مصر على Google News
