محمود حميدة: "مين هيخش أفلامي بعد ما عجزت وشكلي بقى مقرف"

كتب : إسماعيل فارس

قال الفنان محمود حميدة، إنه فخور بمشواره الفني الذي قدمه طيلة حياته وراضي عنه أيا كان، وذلك خلال حواره ببرنامج "عرب وود"، المذاع عبر قناة "روتانا سينما".

محمود حميدة

وعن قبوله في الفترة الحالية للأدوار الثانوية المساعدة أوضح محمود حميدة قائلا: "ساعات اقول لنفسي ازاي ما يكتبوش افلام للنجوم الكبار بتوعنا؟، بس ارجع واقول هو مين هيخش لمحمود حميدة بعد معجز وشكله بقى مقرف!؟، انا اجيب واحد زي أحمد عز مثلا شاب وحليوة والبنات هتحبه والشباب هتدخل السينما عشان تقلده وهو عضلات"، وتابع قائلا: "هو ده اللي بيجيب الإيرادات، وشايف ان ده دوري في المرحلة السنية دي".

وأضاف "حميدة" قائلا: "انا ارى ان وظيفتي الوقوف بجانب هؤلاء الأبطال، ولو مكنشي الدور اللي هلعبه داعم وقوي ملعبوش حتى لو كان ايه، حتى لو كنت هطلع مع بطل شاب وقد بعض في البطولة لو شايف انه ده هيضعفه مش هعمله، لازم يكون هو الأقوى، السينما هي للشباب دائما للشباب فقط مش العواجيز".

وعن النجم الأفضل حاليا في الفن المصري قال محمود حميدة: "لو من ناحية اكتر واحد بيحيب إيراد فالمسألة متغيرة باستمرار ولا تشير إلى أهمية الشخص، أهميته في فعله السينمائي ووجوده المتواصل وأعمال يرى الجمهور أنها من الممكن أن تبقى بعد رحيله.