أرسل محمد المصرى، 33 عاما، رسالة إلى الدكتور محمد هاني غنيم، محافظ بنى سيف، يشكوه صعوبة المعيشة فى ظل ارتباطه بعمل، لا يلبى احتياجاته، فى القاهرة، بالإضافة إلى أنه لم يجد ما يعينه على الحصول على شقة للزواج، مستغيثًا به قبل الإقدام على الانتحار، خلال الأيام القليلة المقبلة.
وجاءت رسالة الشاب إلى محافظ بني سويف، نصا: "نداء إلى سيادة محافظ بني سويف، أنا شاب من بني سويف أبلغ من العمر33 سنة، حياتي مدمرة حرفيا، وقربت على الانتحار، تعبت جدا وطلبت أقابل حضرتك لأني بجد مدمر حرفيا".
وأوضح فى رسالته "أنا بشتغل وكويس وشغلي في القاهرة بس لا أملك سكن ولا شقه أتزوج فيها نفسي أشتغل في بلدي تعبت جدا من الغربة والبهدلة ظروفي صعبة جدا كل طلبي من سعادتك توفير ليا شقة وأنا أولي بالرعايه لأني لا أملك محل سكن، أرجوك ساعدني كل طلبي يبقا ليا بيت وزوجة أنا بعول أسرة، والأسرة دي مدمرة حرفيا أنا مليش بيت أعيش فيه مليش بيت أعيش فيه".
وطالب فى رسالته: "كل طلبي شقة لو صغيرة أرجوك أنقذني أنا قصة كفاح طويلة عمري بيضيع مني، أرجوك أنا بعت لحضرتك على رسائل المحافظة وشرحت معاناتى وألم وطلبو مني الرقم القومي وقالوا هنعطيك شقة لأنك أولى بالرعاية، ومحدش بعدها رد عليا أنا من محافظة بني سويف ومعنديش مكان أعيش فيه وعشان كده بشتغل في القاهرة ومرتبي بسيط بس بسبب مش قادر أرجع بلدي مش عارف أعيش فين والإيجار صعب لأني متحمل مسئولية أسرة علاج وأكل وشرب أرجوك أرجوك ارحمني أبوس إيدك اقف معايا والله ما عايز غير غرفتين ولو قسط بس بسيط وأقدر أرجع بلدي واتقدم لبنت الحلال وأتزوج يارب".
تابعوا آخر أهل مصر على Google News
