كشف الفنان تامر حسني عن الأسباب التي دفعته لحذف مشهد علي ربيع في أحداث فيلمه الجديد "الفلوس"، وذلك أثناء لقاء له عبر برنامج "عرب وود"، المذاع عبر قناة روتانا".
وقال تامر حسني: "لما عملنا مشهد مع نجم الكوميديا الرهيب علي ربيع وويزو عملنا مشهد واحنا بنتفرج عليه قررنا قرارا غريب، وهو اننا نشيل المشهد اصلا ونبني على اللي احنا عملناه ده علاقة كبيرة بين علي ربيع وويزو في الفيلم اللي بيحضروا له بعد كدا لان المشهد ده يطلع منه خط يشيل فيلم كامل".
وتابع تامر حسني حديثه عن فيلم "الفلوس" قائلا: "فيلم مختلف عن أي حجة قدمتها قبل كدا ساسبنس اكشن كوميدي، واللي داخل مستني حاجة بيحبها في تامر في أفلامه هيلاقيها، بس هيلاقي تطوير في النوع الي تامر بيقدموا لأول مرة".
وعن الفنانين الذين شاركوه العمل سواء بطولة او ضيف شرف قال تامر حسني: "زينة بنا افلام كتير ناجحة واحنا اصدقاء طول العمر ودورها هايل وطالع مختلف، وان شاء الله تعمل ردود أفعال ايجابية".
وواصل قائلا: "احمد السقا مكنتش مقصودة يجيلى الفيلم بعد مشهدي في مسلسل "ولد الغلابة"، الموضوع جه صدفة، أحمد صديق عمر وفنان كبير"، وعن الفنانة مي عز الدين قال تامر حسني: " مي بينا صداقة عمر وافلا وسلسلة ناجحة عايشة في قلوب الناس عمر وسلمي، وفيه بينا في الفيلم مشهد مهم وليه مدلول مشهد بيضحك بس ليه معني".
وأقيم مساء أمس الثلاثاء، العرض الخاص لفيلم "الفلوس"، داخل أحد السينمات الكبرى بمدينة 6 أكتوبر، بحضور أبطال العمل وعدد من نجوم الفن منهم الفنان علي ربيع وهنا الزاهد وأكرم حسني ومحمد نور وحسام حسني وغيرهم من الفنانين.
تابعوا آخر أهل مصر على Google News
