يبدو أن الفنانة ميس حمدان تعيش حالة من اليأس هذه الفترة، حيث أنها استعانت بفيلم "الجوكر" للتعبير عن حالتها المزاجية التي تشعر بها، فهل تفكر ميس حمدان اعتزال الفن؟
ميس حمدان
ونشرت ميس حمدان عبر حسابها بموقع الصور والفيديوهات الشهير "إنستجرام"، فيديو لها وهي راسمة مكياج شخصية الجوكر الشهيرة ومرتدية ملابسه وقامت بالرقص وتجسيد تعبيراته بين الفرح والحزن.
وكتبت ميس على الفيديو: "معظمنا شاف فيلم الجوكر وفي اللي حبه وفي اللي كرهه بس اللي محدش اختلف عليه إن الفيلم لمسنا وعبر عن مشاعرنا في فترة من فترات حياتنا".
ميس حمدان تقلد الجوكر
وتابعت: "ممكن نسميها فتره البؤس والظلم وعدم التقدير وإن الحياة جاية عليك وإن الواسطة مهمة عشان توصل وإن ليه ربنا بيعمل معايا أنا كده بالذات دون الناس وايه الدرس المستفاد!؟ والحيرة في اتخاذ القرارات في طب وبعدين والحياة رايحة بيا لفين وإيه الصح وإيه الغلط".
ميس حمدان تفكر في اعتزال الفن
وأضافت: "بالنسبة ليا السؤال كان اسيب الفن واشتغل حاجة تانية عشان مش حاسة إني بحقق الحلم الوردي اللي كنت بحلم بيه؟! وهكذا الفرق بينا وبين بطل الفيلم إنه كان عنده مرض مزمن مانعه إنه يعبر ويفكر ويطور ويحاسب ويحاول ويخطط ويقيم نفسه لكن احنا معظمنا عندنا العقل اللي يخلينا نعرف إن الحياة صعبة ومش وردي ولازم تفشل كتير عشان في الاخر تنجح".
واختتمت حديثها وقالت: "لو حتمشي المشوار لوحدك من غير دعم.. في نهاية السنة الجديدة أحب أقول إن أنا جوكر نفسي وحكون جوكر كسبان حتى لو بعد حين حتى لو كل الظروف مشيت عكس التيار وحاولت تدمر طموحي وأحلامي اللي لسه محققتش منها كتير وحعمل اللي عليا بالطريقة اللي ترضيني سواء في الفن أو برة لأني عارفة ياما ناس موهوبة ربنا سهلهم في حاجة تانية بعيد عن الفن، أنا همشي بالتوازي واللي ربنا يكرم فيه انا راضيه".
تابعوا آخر أهل مصر على Google News
