علقت الفنانة دنيا عبد العزيز على الأنباء التي انتشرت في فترة سابقة، حول ارتباطها بالفنان الكبير الراحل فاروق الفيشاوي، وذلك خلال استضافتها ببرامج "تحيا الستات"، الذي تقدمه الإعلامية راغدة شلهوب، على قناة "النهار".
وقالت دنيا عبد العزيز: " ردينا على طول ساعتها، وكنت شايفة اني ارد لأن دي حاجة الناس لازم تعرفها ده جواز، فالجمهور من حقه يعرف ودي حاجة متتخباش، الارتباط هخبيه ليه الجواز اشهار اصلا وخصوصا انا حبيبة فهبقى سعيدة لما احب واقول للناس اني اتجوزت، فكانت شائعة سخيفة جدا".
وتابعت قائلة: "رديت على طول وقلت ده محصلش، وهو حبيبي ساندني ورد وقال دنيا زميلة و وزي بنتي، وهو من اهم البنادمين اللي كانوا في حياتي، الله يرحمه فقدت الأمان بغيابه وقف جنبي كتير وجدع اتعلمت الجدعنة منه، يعني ايه اي عزاء اروحه اي فرح اي حد تعبان ابقي جنبه".
وواصلت حديثها قائلة: "دفن جدتي نزل التربة ودفنها بايده، مواقف متتنسيش معايا ومع غيري، وفي مرحلة ما وقف جمبي كنت تعبان نفسية ظروف قاسية وقف جنبي وقالي لازم تقفي على رجلك عشان امك وجدتك، لازم تشتغلي قواني جدا واعتبرني بنته وانا كنت غالية عنده جدا زي ماهو غالي مش هيتعوض مش رايي راي اي حد يعرفه".
وواصلت دنيا قائلة: "شوفتوا اخر يوم قبل ما يموت كان خلاص، وقبلها كنت بقويه زي ما كل الناس اللي حواليه بيقووه وكنت جنبه في مهرجان الاسكندرية السنة اللي فاتت، ومقدرتش اروح السنادي نفس المكان، مقدرش ابقي فنفس المكان اللي قال فيه هاجي السنة الجاية وابقي معاكو، كان حاجة مختلفة في الحياة للناس القريبين منه".
اقرأ ايضا.. دنيا عبد العزيز تساند محمد فؤاد بعد دخوله في وعكة صحية
وأكملت قائلة: "فاروق طول الوقت حاسة انه مسافر مش عايزة اصدق ومش هقدر اصدق، فمش هقوله حاجة لانه موجود مش هقدر استوعب الفكرة .. الله يرحمه".
تابعوا آخر أهل مصر على Google News
