«مجدي» يعتذر لجمهور المصري عبر صفحته

ارسل مدافع النادى المصرى السابق محمد مجدى رسالة لجمهور النادى المصرى وبورسعيد عبر صفحته على موقع التواصل الاجتماعى "فيسبوك" قال فيها " طبعا انا عارف ان جمهور المصرى زعلان منى بس اقسم بالله انا كنت قاعد فى النادى والاتفاق بين النادين خلصان ورغبتى الوحيده اللى عرفها كانت كابتن حسام ورئيس النادى وبعت رساله بكدا بس الاتفاق كان خلص بين النادين "

واضاف مجدى "الناس اللى عماله تشتم وتغلط فيا انا بقالى فى النادى ١٦ سنه وكنت بتمنى انى بس البس تشرت الفريق الاول والحمد لله ربنا حققلى حلمى ولعبت وبقيت لعيب فى الفرقه ولو الناس مش مصدقانى انا روحت اول تمرين فى المريخ وحلفت بالله انى معرف اى حاجه لان والله دى كانت الحقيقه"

وطالب جمهور بورسعيد بالدعاء له قائلا " انا اتمنى ان الناس تدعيلى متدعيش عليا لانكم كنتم اصحاب فضل عليا بعد ربنا وكابتن حسام وبشكر كل الناس بما فيهم اللى غلط فيا وفى أهلى وبشكر كل زمايلى اللى قضيت معاهم احلى سنه فى حياتى والمواقع اللى منزله انى بمسح حد اقسم بالله عمرى مبعملها ولاهعملها حتى اللى بيغلط فيا وفأهلى "