أشادت الفنانة نشوى مصطفى بالسلع التي تقدمها القوات المسلحة للمواطنين بأسعار أقل، مشيرة إلى أن زوجها يحمل الجنسية الأمريكية ولكنه رفض ترك مصر حبًا في الوطن.
وقالت نشوى عبر صفحتها علي فيسبوك: "استحمل الجوع لكن ما استحملش الذل بعيد عن مصر، ليه باقول الكلام لان كيلو الفراخ الفيليه اللي فى رمضان كان وصل لسبعين جنيه، النهارده اشتريته باتنين وأربعين جنيه، ودعيت ربنا يارب يبقى بعشرين علشان الغلابة".
وأضافت:" الست المصرية تعرف تحبأ وتدبأ، انا استحمل الجوع لكن ما استحملش انى مايبقاش ليا وطن، وللعلم انا زوجى مصرى يحمل الجنسية الأمريكية ورفضنا نسيب بلدنا ونروح نعيش فى أمريكا، الوطن غالى ربنا يعز كل اخواتنا العرب اللى خربوا بلدهم وهجروهم منها وعايشين بعيد عن اوطانهم".
وتابعت:"بالمناسبة انا ولله الحمد ساكنة فى منطقة تصنيفها منطقة راقية، سيدات الحى اللي ساكنة فيها عرفونى اماكن بيع حاجات للبيت بارخص الأسعار ومضمونة لانها من منافذ الجيش، اللحمة بستين جنيه والمفروم بتسعة وتلاتين، كرتونة المياه باربعه وعشرين جنيه وبره بسته وتلاتين، الزيت والرز والمكرونه والزيتون والمربى، فرق الأسعار ارخص من بره بنسبه اربعين فى المية، نساعد بعض، احنا فى شدة بس والله شده وحتزول، تحيا مصر حرة".
تابعوا آخر أهل مصر على Google News
