حرص النجم أحمد حسام ميدو، اللاعب السابق للزمالك والمنتخب الأول، على توجيه عدة رسائل صباحية، عبر حسابه الرسمي على "تويتر"، فيما يتعلق بالأوضاع الخاصة بفيروس كورونا.
وقال ميدو:"من الناس المتضررة بشدة من الأحداث الجارية هم اصحاب الصالات الرياضية..ناس كتير اشترت أدوات جيم في البيت وناس كتير اتعلمت تلعب رياضة من غير أدوات في البيت..في رايي ناس كتير بعد عودة الأمور لطبيعتها ممكن تكمل تمرينها في البيت الا الناس اللي محتاجين مدرب على دماغهم يحمسهم".
وأضاف:"معظم الشركات صاحبة الاستثمارات الصغيرة والمتوسطة اكتشفت ان مش لازم موظفيها يروحوا الشغل كل يوم وان في شغل واجتماعات كتير ممكن تعمل من البيت!! تخيلوا ده ممكن يبقى لي انعكاس ازاي على شوارعنا وعلى البيئة اللي عايشين فيها!! ممكن يقلل ضغط كبير على المواصلات العامة وزحمة الشوارع!!".
ونصح الحكومة المصرية:"اكثر حاجه لازم الدولة تتعلمها ان لازم يحصل تعديل في الموازنة العامة لازم الصحة والتعليم يتخصص لهم نسبة اكبر بكتير لازم يتم تخفيض عدد الموظفين الحكوميين لازم الفلوس اللي بتتصرف على الكورة والأعلام والفن يتم تخفيضها بشكل كبير!! لازم بتعمل سقف مرتبات للاعبين والمدربين والاعلاميين!".
واختتم:"لازم الوزير اشرف صبحي والأستاذ عمرو الجنايني يشتغلوا اه مفيش عقد لأي لاعب او مدرب يتم اعتماده الا بسقف معين يزيد كل ٣ سنوات السقف ده ١٥ ٪..الأندية المصرية كلها بلا استثناء بتخسر ملايين.. وايه العائد؟ مفيش اي عائد!! دوري تعبان من غير جمهور بيفرز ٢ او ٣ لاعيبه مميزين كل موسم!!".
تابعوا آخر أهل مصر على Google News
