داليا البحيري ترد على مهاجميها بسبب مناشدتها للرئيس بفرض حظر كامل: "مكتبتش حاجة أخجل منها" (فيديو)

ردت الفنانة داليا البحيري، على مهاجميها والذين إنتقدوا منشورها التي ناشدت من خلاله الرئيس عبد الفتاح السيسي، وطالبته بفرض حظر تجول كامل، كنوع من الحماية من إنتشار فيروس كورونا.

فيديو داليا البحيري

ونشرت داليا البحيري مقطع فيديو لها، حتى ترد من خلاله على الذين إنتقدوا منشورها، وذلك عبر حسابها الشخصي بموقع التواصل الإجتماعي فيسبوك، وقالت خلاله: "أنا قاعدة بقالي 36 يوم في البيت منزلتش خالص غير للضرورة، أنا عملت بوست الصبح للأصدقاء المقربين وكنت بتكلم على طبيعتي لأنه مش للعام، ولكن واضح أن إحدى الصحفيين اللي عندي أخده وحط جملة في العنوان حتى يستفز الجمهور".

رد داليا البحيري

وتابعت: "أنا مكتبتش حاجة أخجل منها على الإطلاق، انا كل اللي طلبته أن يتم عمل حظر كامل، لإن الناس نزلت تتسوق في العتبة والموسكي، ولكن كالعادة أي حد بيتهاجم من الوسط، انا عايزة اشكر الدولة على إحتواها للفيروس، ولكن لازم نوعي الناس البسيطة إنها تجلس في البيت، وللي بيقوله اني بهاجم العمالة ده مش حقيقي، أنا من اول الناس اللي دعمت العمالة اليومية، عايزة أشكر الأطباء وكل العالمين في قطاع الصحة ربنا يحميكم ويقويكم".

مطالبة داليا البحيري بحظر كامل

وكانت داليا البحيري، كتبت صباح اليوم، عبر صفحتها الشخصية بموقع التواصل الاجتماعي الفسبوك : "مبقاش أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي احنا فيه".

مطالبة داليا البحيري بفرض حظر كامل

وتابعت: "حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا! أولا معظم المؤسسات الخيرية -وبقول معظم مش كل- بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كدة والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية".