قالت حنين حسام، طالبة كلية أثار بجامعة القاهرة، بعد إحالتها اليوم إلى التحقيق لقيامها بسلوكيات تتنافى مع الآداب العامة والقيم والتقاليد الجامعية، في فيديو عبر انستجرام: لقيت ناس بعتتلى فيديو انتشر على فيس بوك لمذيع يتحدث عني، والمذيع ده شاطر ولعبها صح لأنه قص الفيديو بتاعى من استورى انستجرام، وحللها على مزاجه، وفي أهالي مش عارفين يعنى أيه الـ "لايفات" اللى اتكلمت عليها".
حنين حسام
وشرحت الطالبة بكلية الآثار جامعة القاهرة طبيعة الشغل التي تحدثت عنه قائلة: "لايفات" شغل زيها زي أي شغل، ولازم يكون ليه مقابل، لإن مفيش شغل بدون مقابل.
وتابعت حنين: الممثلين بقوا يطلعوا يعملوا لايف، هل ده معناه أن الفنانين بيشتغلوا فى الدعارة؟.
وأوضحت: "لايكي " أبلكيشن زي تيك توك، وفيها جزء خاص باللايفات في كل دول العالم، زي ما فى مشاهير عندنا في مشاهير فى كل دول العالم بيعملوا لايفات.
وأردفت: أنا ماطلعتش قولت كلمة خارجة علشان أتمسك.. أنا أول مرة أعيط في فيديو.. ده انا حتى قولت أنا عاوزة أدب وأخلاق ومابحبش الحال المايل، وطلبت بنات محجبة.
وأستطردت حنين: أى حد بيشتغل في التيك توك لازم يكون عارف أن في لايفات.. الحاجات الوحشة بتتعمل في السر مش فى العلن.. فى أسر كتير مش لاقية تاكل واللايفات ديه بتصرف عليهم.
وأكملت حنين: الضرب فى الميت حرام .. هو الناس علشان تعمل محتوى تتبلى على الناس.. فى ناس جاهزة بتعمل أقذر حاجة.
كان الإعلامي نشأت الديهي قد عرض الفيديو عبر برنامجه، وطالب وزارة الداخلية والنائب العام بالتحرك، حيث وصف ذلك بأنها جريمة تهدد جميع المجتمع.
وظهرت الطالبة "حنين حسام " في فيديو عبر تطبيق "تيك توك " طالبت خلاله الفتيات التي تريد الحصول على المال بعرض فيديوهات وتكوين صداقات مع شباب براتب يصل إلى ٣ آلاف دولار.
وقالت الطالبة خلال الفيديو: "مش مطلوب منك غير إنك تظهري وجهك، وتكوني جميلة، وعمرك مش أقل من ١٨ سنة، وكل ما يكون عندك صداقات ومتابعات أكتر هتاخدي فلوس أكتر.. الراتب من ٣٦ دولار حتى ٣٠٠٠ دولار ".
وقرر الدكتور محمد عثمان الخشت رئيس جامعة القاهرة، إحالة حنين حسام الطالبة بكلية الآثار، إلي التحقيقات، بالجامعة لقيامها بسلوكيات تتنافي مع الآداب العامة والقيم والتقاليد الجامعية.
وقال الدكتور الخشت، إن الجامعة تلقت العديد من الرسائل حول قيام إحدى الفتيات تدعي انتماءها لجامعة القاهرة، وأثارت مواقع التواصل الاجتماعي "الفيس بوك"، خلال الساعات الماضية وذلك بدعوة الفتيات بفتح الكاميرات وتسجيل فيديوهات غير لائقة مقابل مبالغ مالية.
وأشار الدكتور الخشت، إلى أنه فور تلقي الرسائل تم عمل بحث عن الإسم بين كليات الجامعة، وتبين أنها طالبة باقية للإعادة بالفرقة الثانية بكلية الآثار، مؤكدا علي أنه علي الفور تم إحالة الطالبة إلى التحقيقات لإتخاذ الإجراءات القانونية ضدها.
وشدد رئيس جامعة القاهرة، أن الجامعة ستتخذ أقصي عقوبة ضد الطالبة والتي قد تصل للفصل النهائي من الجامعة، وذلك لإرتكاب افعال لا تتناسب مع القيم والتقاليد الجامعية، ولا تليق بمكانة طالبة جامعية في جامعة القاهرة.
تابعوا آخر أهل مصر على Google News
