قالت حنين حسام صاحبة فيديو افتحي الكاميرا علي تيك توك أثناء مداخلة هاتفية ببرنامج حضرة المواطن تقديم الإعلامي سيد علي": "والله والدي ووالدتي بيشوفوا الفيديوهات وهي مفيهاش أي نوع من التعري ومش بيجي معايا شباب وعمري ما اتسرب لي صورة بشعري فيه ناس علي الانستجرام بيعملوا كده وفيه برنامج لايف اسمه لايكينج بعد التيك توك وبيشتغل فيه فنانين وبيستعينوا فيه بحد مشهور وبيبقي محتاج بنات وبيبقوا عايزين ولاد كمان، لمدة عشر ثواني، والموضوع ملوش علاقة بالبنات والولاد، الفيديو 3 دقايق لكن الناس قصت منه وياريت تسمعوا الفيديو كامل بلاش بلبلة أنا عايزة 20 بنت محترمين مش قالعين".
وعن إطلاقها عن نفسها بأنها هرم مصر الرابع ردت قائلة: "أنا عمري ما قلت أنا أجمل واحدة وبقول أنا عادية جدا وبقول هرم مصر الرابع لأني في أثار وفيه أساتذة بيقولوا علي نفسهم ألقاب بأسماء تاريخية ومن حبي لكليتي بقول كده وأنا عيدت السنة علشان غيرت القسم كنت في مصري وحولت يوناني وعلشان كده نزلت سنة".
وتابعت: "أنا شايفة أن اللي بيحصل ده تنمر، فيه ناس طلعت تريندات لكن أنا وصلت للمساءلة بسبب فراغ الناس، وباخد 3 الاف جنيه بس ولازلت بصور من الغرفة في منزلي منذ أن بدأت، أنا معنديش صور مع شباب وعمري ما في حياتي شتمت أنا لو غلطت كنت قلت، وعملت مبادرة مع مستشفي السرطان 57". موضحة: "انا لما حد بيشتمني في التعليقات مش برد عليه، وفيه بنات قالعة خالص علي التيك توك وأسفة لماما وبابا لما حد يتصل بيهم يقولهم بنتكم هتتحبس يمكن القصة دي تكون فائدة اني اراجع نفسي".
واختتمت: "عمري ما استغليت جامعة القاهرة في أي شيء وجايبة جيد جدا مرتفع وأنا اسفة تجاه الجامعة أو أي حد فهمني غلط".
قررت النيابة العامة بشمال القاهرة الكلية تحت إشراف المستشار المحامي العام ياسر أبو غنيمه، أمس الثلاثاء، حجز الطالبة حنين حسام صاحبة فيديو التيك توك لصباح باكر لاستئناف التحقيق لاتهامها بالتحريض على الفسق والفجور.
وحضر إلى مقر النيابة والد حنين حسام الذى جاء متضامنا مع نجلته كما حضر محاميان عنها وهما حسين حسانى وإيهاب المنصور، والذين أكدوا على براءة موكلتهم وعدم صحة الاتهامات المنسوبة اليها.
وكانت المتابعات الامنية رصدت ظهور حنين حسام الطالبة بجامعة القاهرة " في فيديو عبر تطبيق "تيك توك " طالبت خلاله الفتيات التي تريد الحصول على المال بعرض فيديوهات وتكوين صداقات مع شباب براتب يصل إلى ٣ آلاف دولار.
تابعوا آخر أهل مصر على Google News
