قالت منار سليم أرملة الشهيد البطل أحمد المنسي: "أنا بكيت كتير أوي وأن الأوان أننا نفرح ببلدنا وبرد الجميل وبجيشنا والحمدلله علي الإنجازات العظيمة، المسلسل قريب جدا من المنسي وأمير استطاع أنه يقرب من شخصيته حتي طريقة السير والهدف الأسمي هي الشخصية نفسها علشان الأجيال تستفيد وياريت الأجيال تتعلم من المسلسل".
وأضافت في مداخلة هاتفية ببرنامج الحكاية تقديم الإعلامي عمرو أديب علي قناة إم بي سي مصر: "كل الأسرة بتقعد تتفرج معايا علي المسلسل وكل الناس بتتصل بي وتتابع معايا، موضحة: "أنا كويسة بيكم وبالشعب المصري والشعب ده بيظهر في وقت الأزمات، وبنبدأ نحب بعض والتاريخ بيذكر الحلو وبيذكر الوحش ومصر مش بتنسي ولادها وكل واحد له تكريم والجيش المصري كله، مشيرة إلي أنها تكره أحمد العوضي بسبب شخصية هشام عشماوي وده معناه أنه مسلسل ناجح لأنه وصل الناس الطريقة دي وبسأل إزاي الشخصية نفسها كان بيتعامل كده وبلدنا متدينة وعمرنا ما شفنا كده".
وتابعت: "المنسي كان بيجيب سيرة هشام عشماوي ولكن كان يتوعد وبيقول عايز أشوفه أو أطوله وبنظرة فيها ثأر وعارفة أن أحمد شايفنا وعارفة أنه فرحان، عليا بنتي حضتني وقالت لي بابا كان طيب أوي بعد ما شافت الحلقة الاولي من الاختيار، واختتمت: "أشكر اهتمام كل واحد في طقم العمل علشان يطلع بالمنظر ده".
تابعوا آخر أهل مصر على Google News
