دعمت الفنانة سمية الخشاب، فتيات مصر ضد ظاهرة التحرش الجنسي التي تحدث خلال تلك الفترة، حيث نشرت فيديو عبر حسابها الشخصي بموقع فيس بوك قائلة:" أنا بوجه كلامي لكل البنات ارجوك متسبيش حقك، ارجوك متكونيش سلبية، ارجوك متخافيش، خليكي قوية وخلي عندك ثقة في نفسك، دافعي عن نفسك وهتلاقي 100 واحد هيقف جنبك وفي ضهرك وهيجبلك حقك".
واضافت سمية الخشاب:"أنتي آنسه يعني الحياة الكل هيعملك ألف حساب، ليكي كل الحقوق والحب والاحترام، لازم تقولي لنفسك أنا قوية ومش هسيب حقي، أنا مش أقل من حد أنا عندي شخصيتي ومش بعمل حاجه غلط".
ووجهت الخشاب رسالة لفتيات مصر:"متخافيش خليكي قوية وخلي عندك ثقة في نفسك وفي مجتمعك، وفي ناس هتقف جمبك وتدعمك كل كلامي لكل بنت بتخاف أو بتتكسف متضيعش حقك"
وعلقت سمية على الفيديو الذي نشرته :"لكل بنت تعرضت للتحرش او الاغتصاب، احنا معاكي والمجتمع معاكي!! التحرش و الاغتصاب جرائم ليس لها اي مبرر!! ارجوكي متسيبيش حقك. انتي انثي يعني الحياه يعني عصب كل حاجه ماتكونيش سلبيه وتتنازلي عن حقك وتدي حق للمتحرش او المغتصب انه يعمل كده فغيرك! لأ يعني لأ!! واوعوا تخافوا من الابتزاز، انتوا اقوي من اي حاجه، ولأ يعني لأ ليكم كل الدعم حبايبي وكلكم ابطال".
وفي سياق آخر اعتذرت سمية الخشاب، عن تأدية دور البطولة في فيلمه السينمائي الجديد "صابر وراضي"، مع النجم أحمد آدم.
وكان السبب المعروف للجميع وراء اعتذار سمية الخشاب هو تخوفها من التجمعات بسبب فيروس كورونا، بينما علمت "أهل مصر" أن السبب هو الاختلاف على المقابل المادي.
https://m.facebook.com/Somaya.ElKhashab.star/#!/story.php?story_fbid=2352798398356670&id=1444005579235961&__tn__=%2As%2As-R
تابعوا آخر أهل مصر على Google News
