الستايلست ريم العدل: "بدون أجر" مخزني متاح لصناع الأفلام القصيرة

قالت الاستايلست ريم العدل أنها تحب المشاركة في الأفلام القصيرة سواء مشاريع التخرج أو أفلام المهرجانات دون النظر إلى الأجر الذي تتقاضاه. ونفت العدل الشائعات التي لاحقتها بأنها لا توافق على العمل في الأفلام القصيرة مجانًا عبر حسابها على 'فيسبوك' وقالت: 'أنا بكتب البوست ده عشان أطلب من الناس يا ريت ما حدش يتكلم باسمي.. عشان دي تانى مرة بيجيلي إن في حد كان عايزنى معاه في فيلم قصير أو مشروع تخرجه وحد نصحه أو خوفه يكلمني وقال له مش هتوافق عشان ما فيش فلوس'.

تابعت: 'أنا بحب اعمل أفلام قصيرة وبستمتع بيها جداً وهي من غير فلوس المهم يبقى الفيلم حلو .. أنا عملت أفلام قصيرة كتير مع أساتذة مخرجين كبار وصغيرين'.

وذكرت ريم العدل مجموعة من الأفلام القصيرة التي شاركت فيها وهي: 'أوضة الفيران مع كريم العدل - خلقة ربنا مع كاملة ابو ذكري - مريم مع ماڤي ماهر - حار جاف صيفاً مع شريف البنداري - سيدة مع نسمة زعزوع- ندى مع عادل أحمد يحيى- تمت مع چيلان عوف - رسالة إلى صديقي في فرنسا مع أكرم البزاوي'.

اختتمت ريم العدل قائلة: 'أي حد عنده فيلم قصير وعايزني اعمله أنا ماعنديش أي مشكلة بالعكس هبقي مبسوطة.. أنا حتى مشاريع المعهد بحب اعملها جداً ومخزنى موجود لأي لَبْس تحتاجوه من غير فلوس برضه'.