ظهر مطرب المهرجانات حمو بيكا في أحد شواطئ الساحل الشمالي، وذلك بعد أسبوع من حادث اصطدام سيارة مدير أعماله بعدد من السيارات المتواجدة بالساحل الشمالي.
وظهر بيكا بصحبة عدد من الفنانين، من ضمنهم الفنان فايق عزب.
وفي وقت سابق حرص مطرب المهرجانات الشعبية حمو بيكا على الرد فيما يخص الأنباء التي أثيرت حول تعرضه لحادث سير على طريق الساحل، الأمر الذي أثار جدلا عبر مواقع التواصل الإجتماعي.
وقال حمو بيكا في بث مباشر عبر حسابه على موقع التواصل الاجتماعي فيسبوك: 'والله ياجماعة فيه أخبار على المواقع فيه كتير حقيقي و حاجات منها كذب ..السيارة الخاصة بمدير أعمالي أداها لحد صاحبه يجيب حاجات فكنا قاعدين في الفندق جالنا تليفون الحقوا العربية عملت حادثة'.
الفنان فايق عزبوتابع بيكا قائلا:' جرينا وكان أهم حاجة فى دماغنا الناس اللي جوا العربية.. بالفعل روحنا لمكان الحادث بورتو مارينا لقينا الاتنين اللي كانوا راكبين العربية مرميين على الأرض .. كان كل همنا نطمن على الناس دى مش العربية'.
وعن أسباب الحادث قال بيكا: 'كان فيه عربيات واقفة صف تانى وواقفة في الممنوع وكان فيه عربية ضهرها كله في الشارع فالشخص اللي كان راكب العربية بتاع مدير أعمال بيلف الملف فوجئ بالعربية دي وخبط فيها القزاز جه فوشه مبقاش شايف حاجة فخبط في الاتنين التانيين'.
حمو بيكا
وأكمل قائلا: 'طبعا احنا صورونا هناك وعارفين الناس اللي بتحب تزيط كتير واللي صورنا كتير .. كله بقي دلوقتي على الفيس بوك لو لقوا فرخة ميتة يكتبوا عنها أي حاجة بيكتبوا عنها ..واللي كان سايق العربية حاليا في النيابة بيحققوا معاه .. والمحامين معاه بس ياريت اللي بيكتب يكتب الحقيقة أنا كنت واقف عند العربية واجب عليا اتحرك عشان راجل شغال معايا هي مش عربيتي لكن عربية مدير أعمالي وطالما عربيته تبقى عربيتى'.
واختتم بيكا: 'لقيتهم كاتبين بيكا وعربيته وعمل حادثة ..مالكو كدا وحدوا الله كل سنة وانتو طيبين انا بخير الحمد لله مفييش حاجة ولا اللي كانوا راكبين العربية فيهم حاجة والحمد لله أنها جت على قد كدا'.
تابعوا آخر أهل مصر على Google News
