أول رد من عبلة كامل بعد شائعات إصابتها بالسرطان

انتشرت أمس العديد من الأقاويل التي طالت الفنانة عبلة كامل حول إصابتها بالسرطان في مرحلته الأخيرة، الأمر الذي أدخل الخوف الشديد في كل قلوب محبيها وعشاقها، وتبين أن الأمر بعد ذلك ما هو إلا شائعات مغرضة.

ونشر السيناريست بلال فضل عبر صفحته على موقع التوصل الاجتماعي فيس بوك، رسالة قال إن الفنانة عبلة كاملة طلبت منه أن يوصلها إلى الجمهور بعد هذه الشائعات.

وقالت عبلة كامل في رسالتها: 'عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه امتى؟ وإيه اللي هيستفيده إنسان من أنه يقلق حياة الناس بكلام كذب، بيدعي إنه بينشره لإنه محب أو معجب، أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيام، ولا بتابع السوشيال ميديا ولا بانشر عليها أي شيء من أي نوع ولا مهتمة بده'.

وتابعت عبلة كامل قائلة: 'أتمنى اللي يشوف حساب منسوب ليا يساهم في قفله باللي يقدر عليه والحساب اللي عاملاه واحدة بتدعي إنها بنتي مالوش أي علاقة ببناتي فاطمة وزينب، وكل اللي بيتنشر فيه كذب، والكلام اللي اتنشر في هذا الحساب عن إني مش فخورة بفني وبشغلي كله كذب وافترا، والحمد لله أنا في أحسن صحة وعافية، وباشكر الناس الطيبين كلهم على محبتهم وتقديرهم اللي أنا ممتنة ليها وباحمد ربنا عليها، وربنا يتقبل دعواتكم الجميلة ليا ويخلي لكم حبايبكم'.