تصدر اسم الفنانة بوسي مؤشرات بحث جوجل مصر وذلك عقب حلقتها مع الإعلامية منى الشاذلي على قناة CBC من خلال برنامج معكم منى الشاذلي. وجاء الحديث على بوسي بعد أن فتحت قصتها مع والدها الذي اتهمها بأنها ابنة عاقة له. لذا نرصد أبرز تصريحات بوسي حول والدها.
بوسي تعمل منذ طفولتها
قالت بوسي في حديثها مع منى الشاذلي: 'أنا لو كنت ابنة عاق، مكنتش هطلب من أمي وانا عندي 15 سنة أنزل أشتغل عشان أشيل من عليها الحمل، 15 سنة يعني طفلة واللي في السن ده بياخد مصروف ايده من أبوه أو أمه'.
صدمة بوسي في والدها
وتابعت الفنانة بوسي: 'أنا اتولدت وأبويا مش موجود في حياتي ومطلق أمي وهي حامل فيا شهرين، واللي خضني من الأخبار اللي اتكتبت عنه إنه قبلها بيومين كلمني وبعتله فلوس ولسه كنت هبعتله تاني، أصل أنا مش بطولي وورايا أبواب مفتوحة ويارب يجعلني سبب لرزقهم'.
بوسي تسأل والدها عن اختفاءه وقت أزماتها
وسألت بوسي والدها عن اختفاءه السنوات الماضية، وقالت: 'انت كنت فين اصلًا السنين اللي فاتت، أيام ما أنا كنت في عز المشاكل أيام ما كنت مستنية حد من أهلي يقف لحد معين ويجيب حقي ويحس إن أنا ليا ضهر وليا سند'.
علاقة بوسي بوالدتها
وعن علاقتها بوالدها، علقت بوسي: 'مفيش علاقة بيني وبين والدي، فأنا اتولدت وطلعت الدنيا لاقيت أمي هي كل حاجة في حياتي، وهي أبويا وهي أمي واللي ربوني أمي وأهل أمي ومعرفش حد غيرهم وأبويا ده معرفش عنه حاجة وأما كبرت وبدأت أفهم كنت بشوفه في الشارع بالصدفة ومكنتش بعرف أقوله يا بابا'.
أخوات بوسي
وتحدثت بوسي عن أخواتها، وقالت: 'عندي أخوات بنات من أم ثانية، ومكنش بيصرف عليهم ومجوزش ولا واحدة فيهم ومجهزش ولا واحدة فيهم هما اللي جهزوا وجوزوا نفسهم، وأنا عندي أخ لو شوفته في الشارع معرفهوش، ووالدي أتجوزي كتير أوي، وهو لو عايز يشوفنا هيشوفنا بأي طريقة'.
تابعوا آخر أهل مصر على Google News
