كشفت الاعلامية لميس الحديدي، عن تلقيها مكالمة من الفنانة عبلة كامل، خلال الأيام القليلة الماضية، وذلك بعد ما تردد حول إصابة الأخيرة بمرض السرطان، وتأخر حالتها الصحية.
وقالت "الحديدي"، خلال حلقة اليوم الأحد، من برنامجها "كلمة أخيرة"، المذاع على فضائية "on": "عندي حكاية ورسالة، يوم الأربع اللي فات جالي تلفون، يمكن من أجمل التلفونات اللي جاتلي مؤخرًا.. ألو لميس أنا عبلة.. أنا عبلة كامل"، مضيفة: "عاوزة أحكيلكم عن مشاعري، تقريبًا قمت نطيت، عرفت صوتها في ثانية، و دي أول مره تكلمني فيها، رغم إن ليا أنا ليا أصدقاء كتير من الوسط الفني".
وتابعت: "يوم الثلاثاء كنت بتكلم عن عبلة كامل، وبعتلها رسالة من هنا قلتلها أنا بحبك، وقلت إن من القسوة جدًا نشر خبر عن مرضها، وإن حتى لو كانت مريضى فهى اختارت الصمت، ولازم نحترم صمتها"، مواصلة: "وبعدين تم تكذيب الخبر لاحقًا من أسرتها زوجها السابق، وبنتها زينب، وواضح إن رسالتي وصلتها".
وحول ما جاء في المكاملة، أوضحت "الحديدي":"فيه حاجات هأقدر أحكيها وحاجات مش هاقدر، بناءً عن طلبها، لكن اللي أقدر أقوله من مكالمه تقريبًا ٤٥ دقيقة، إنها قالتلي بالنص: أنا سليمة وصحتي كويسة الحمد لله، مش تعبانة خالص، وأنا باقول بالنص لأَني بصراحه كنت حريصة على نقل كلامها بدقة، وهى صوتها فعلًا كان كويس".
وأشار إلى أن الفنانة عبلة كامل كانت سعيد بمشاعر الحب التي تلقتها من الجمهو، مستطرد:"قالت ليّ: أنا فرحانة جدًا بحب الناس اللي شفته، لدرجة إن ساعات ما بتبقاش مصدقة إن الناس بتحبها كده، وإنها لم تكن اتتصور أنها محبوبة بهذا الشكل".
واصل "الحديدي": "قلت لها إزاي يعني، انتي أكيد عارفة وشوفتي حتي لما اتعاد (في جلباب أبي)، الناس كأنها بتشوفه لأول مرة، قالت ليّ: بجد أنا عمري ما تخيلت حب الناس كده، أنا إنسانه عادية، يمكن الناس بتحب أدواري بس عمري ماتخيلت كل الحب ده".
تابعوا آخر أهل مصر على Google News
