"انتي حبيبتي وأم ولادي".. تامر حسني يصالح زوجته بسمة بوسيل

نشر النجم تامر حسني، رسالة عتاب لزوجته المغربية بسمة بوسيل، في محاولة لاصلاح الموقف بينهما، بعدما انتشرت أخبار حول انفصالهما.

وكتب تامر حسني، عبر حسابه بموقع الصور الشهير 'انستجرام' :'بسمة حببتي للأسف انتي مفكرتيش كويس وسلمتي ودنك لشر السوشيال ميديا عشان كان تعليق كلامهم فارغ نسوكي انك عرفتيني وانا مشهور ودي طبيعة شغلي اللي عرفتيني عليها وحبيبتني بيها، أزاي وصلوكي للزعل والبعد فترة.. المهم انا مش هزعل منك ولا يرضيني زعلك انتي حبيبتي وأم ولادي .. أنا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير'.

تامر حسني

وتابع :'ليه لما أي حد بيزعل من حد بيطلع يكتب عليه في السوشيال ميديا، طب حتي يكلمه الأول ايه علاقة الناس بعلاقة شخصية بين اتنين ممكن تتحل في التليفون أو في زيارة رحيمة ما بينهم وياريتها مشكلة أصلا.. ربنا جعل ما بينا مودة ورحمة عشان كدا للأسف انتي عرفى ان في ناس في طبيعتهم حب خراب البيوت ومش هنخلص منهم بس انتي اللي هتهلصي من فكرة انك تسمعيهم'.

وأضاف :'ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللى سعوا في الخير لينا.. وانا واثق انك دلوقتي زعلانة انك كتبتي كدة.. هو تصرف متهور منك بس ولا يهمك مش عيب ان الانسان يغلط ويتعلم وانا ياما علمتك ولسة هعلمك كان نفسي الكلام ده يكون بينا لكن انتي اشركتي الجمهور الكريم فكام لازم ارد هنا.. وبينا حب عالي وحياة كريمة وأولادنا و بيتنا أغلي ما فيها ربنا يخلينا ليهم ويخليهم لينا يارب.. متهورة بس بحبك'

تامر حسني

وترددت أنباء عن انفصال النجم تامر حسني وزوجته المغربية بسمة بوسيل، بسبب صورا مفبركة للنجم، وبدأ الخلاف القائم، وسط سعي عددا كبيرا من أصدقاء الزوجين لإنهاء الخلاف وعودة حياتهما الطبيعية.