علق الفنان وليد فواز، على أزمة الفنان محمد رمضان مع نجوم إسرائيل، موضحا أن الأخير لم يقصد ما حدث موجها له رسالة بإعادة النظر في ذلك الموضع بسبب جمهوره.
وكتب وليد عبر حسابه الرسمي بموقع التواصل الاجتماعي 'فيس بوك': 'محمد إزيك فعلا واحشني، محمد رمضان الطموح الموهوب اللي قابلته في بداية الطريق، محمد اللي لما عمل احكي يا شهرزاد قابلني في موقف الإسعاف وقالي فواز أنا نازل أشوف صورتي على الأفيش (إحنا هنبقي نجوم جامدين ياله) بس أنت الأجمد دلوقتي'.
وتابع وليد: 'واحشني محمد اللي كان بييجي يتفرج عليا في مسرح الشباب، ويبدد بحماسه وطاقته التي لا تنضب بالأمل أي شعور بالإحباط عند أي حد بيشوفه، محمد اللي واحشني هو محمد اللي في الصورة دي، أنا حابب أحط الصورة دي أكتر من أي صورة تانية ليك دلوقتي، لو الناس كلها قالت إنك اتغيرت ميخصنيش، لأني عارف أنت مين وقد إيه كنت جدع معايا'.
منشور وليد فواز عن أزمة محمد رمضان
وتابع: 'محمد اللي أنت وصلتله ولسة هتوصله كمان فعلا تستاهله لأنك مميز وقبولك رباني، بس اسمحلي يا صاحبي العنيد واللي أعرف عنه من زمان أن دماغه أنشف من الحجر، ولا يسمع إلا عقله فقط، أطلب منك أن تعيد النظر في اللي بيحصل عشان خاطر جمهورك الحقيقي 'الناس البسيطة' والتي نصبتك ملكا متوجا على قلوبهم'.
وأضاف: 'الناس اللي شافت فيك الأمل وبص من منظارهم للحكاية، بعيدا عن أي 'مزايدات'، فيه خطأ حصل واللي حصل حصل وخلاص وأنت كبير وناضج وأب ورب أسرة وعارف إيه الصح وإيه الغلط'.
وأكمل: 'لكن يا صاحبي الاعتذار من شيم الرجال ولا يقلل منك أبدا، فكر يا محمد عشان خاطر جمهورك الكبير وموهبتك ومحبش أشوف واحد بحبه بجد يدفع تمن فاتورة كبيرة قوي هي أصلا مش بتاعته'.
واختتم حديثه: 'محمد أنت ذكي جدا وهتعرف تقعد مع نفسك وتحط إيدك على الصح، ربنا يعديك من المحنة دي على خير رفيق الرحلة فواز'.
تابعوا آخر أهل مصر على Google News
