أحمد فهمي يتراجع عن اعتذاره لشيكابالا: الأهلي وجمهوره أسيادك يا نباطشي

تراجع الفنان أحمد فهمي عن اعتذاره لمحمود عبدالرازق شيكابالا لاعب الزمالك، بسبب تعرض الأخير للعنصرية من قبل جماهير الأهلي في فيديو 'كلب' يطلقون عليه اسم 'شيكابالا'، ويهتفون باسمه.

وكتب فهمي عبر حسابه الرسمي بموقع التواصل الاجتماعي 'فيس بوك': 'أنا بسحب أي كلمة قلتها عنك فعلا، الستوري بتاعته حالا، حاجة تقرف، واللي مش عاجبه يشيلني من عنده، الأهلي وجمهوره أسيادك'.

وتابع فهمي: 'وبعدين عيب تبقى ابن نادي الأهلي وماضي له قبل كده وتعمل كده، فك كده ماتبقاش نفسيتك أفشة يا نباطشي'.

وفي وقت سابق دافع أحمد فهمي عن شيكابالا، وكتب عبر حسابه الشخصي على فيسبوك: 'رغم خلافي معه الشديد ومفيش صلح لا من قريب ولا من بعيد بيني وبينه، لكن موضوع الكلب والفيديو ده حاجة عنصرية جدا الصراحة ومنظر بشع'.

وأَضاف: 'إحنا جمهور كبير ومحترم وبنقول على الغلط غلط حتى لو طالع من عندنا، الاعتذار عن اللقطة دي واجب، بعتذرلك، لكن موقفي منك لن يتغير'.

وانتشر عبر مواقع التواصل الاجتماعي مقطع فيديو لتنمر مجموعة من المشجعين على شيكابالا، بطريقة أثارت غضب الكثيرين سواء من جمهور الأهلي أو الزمالك الذين رأوا أن هذا الفيديو لا يصح بأي شكل من الأشكال.