المشرف العام على التحرير داليا عماد

هنا الزاهد تُعاتب أحمد فهمي في أزمة شيكابالا: "بتقول اللي جواك من غير ما تحسبها"

أهل مصر
هنا الزاهد وأحمد فهمي
هنا الزاهد وأحمد فهمي
اعلان

وجهت الفنانة هنا الزاهد، رسالة إلى زوجها الفنان أحمد فهمي، وذلك بعد أزمته الأخيرة مع لاعب الزمالك محمود عبد الرازق شيكابالا، عقب مباراة الأهلي والزمالك في نهائي دوري أبطال أفريقيا.

وقالت هنا الزاهد، عبر حسابه الرسمي على موقع التواصل الاجتماعي فيسبوك: "بعيدا إن شهادتي فيه مجروحة لأن الناس هتقول بقول الكلام ده عشان جوزها، أنا لا بفهم في الكورة و لا بتفرج عليها بس بشوف قد ايه الإنسان ده بيحب يكون عفوي و بينسى إنه ممثل و بيتعامل مع كل الناس بكل زوق حتى في الشارع و في التصوير و في كل مكان و الناس اللي عرفاه عرفين ده كويس".

وتابعت "هنا" قائلة: "أنا عارفة إنو الناس بتفضل تقول لا ده ممثل مينفعش يقول رأيه، بس للأسف الإنسان ده بينسى و بيخسر من كتر ما هو اللي في قلبه على لسانه و مش بيحب ينافق و لا بيرضي حد عشان يكسب جمهور زي ما الناس كتير بتعمل كده، لما بيكتب رأيه بيكتبوا على أكونت فيس بوك اللي في صحابه زيه زي أي حد أهلاوي بس للأسف بتطلع أخبار بالكلام اللي بيقولوا".

واختتمت حديثها قائلة: "عموما أنا عايزة أقولك إن قلبك طيب وعفوي بزيادة وبتقول اللي جواك من غير متحسبها عشان بتنسى إنك ممثل أصلا بس الأيام دي مينفعش تبقى كده للأسف.. واعمل اللي يريحك لإنك إنسان و احنا كده كده بنحبك جداً".

ونشبت أزمة منذ فترة بين أحمد فهمي أثناء تواجدهما بالصدفة في حفل زفاف أحد الأصدقاء، حيث جرت المشادة بعدما عاتب شيكابالا الفنان أحمد فهمي بسبب تصريحاته كمشجع للنادي الأهلي، وحاول فهمي تهدئته إلا أن لاعب الزمالك قام بسب جمهور الأهلي وهو ما دفع فهمي للاشتباك معه.

وبعد فوز الأهلي على الزمالك وحصوله على لقب دوري لأبطال أفريقيا 2020، تصرف عدد من المشجعين بشكل غير لائق وتنمروا على شيكابالا مما دفع فهمي إلى الخروج والدفاع عنه قائلا عبر حسابه على مواقع التواصل الاجتماعي: "رغم خلافي معه الشديد ومفيش صلح لا من قريب ولا من بعيد بيني وبينه، لكن موضوع الكلب والفيديو دا حاجة عنصرية جدا الصراحة ومنظر بشع، احنا جمهور كبير ومحترم وبنقول على الغلط غلط حتى لو طالع من عندنا، الاعتذار عن اللقطة دي واجب، بعتذرلك.. لكن موقفي منك لن يتغير".

ورد شيكابالا على ما تعرض له بنشر صورة قديمة له وهو يرفع الحذاء في وجه جماهير الأهلي، ما جعل أحمد فهمي يتراجع عن الدفاع عنه قائلا: "أنا بسحب أي كلمة قلتها عنك فعلا، الستوري بتاعته حالا، حاجة تقرف، واللي مش عاجبه يشيلني من عنده، الأهلي وجمهوره أسيادك.. وبعدين عيب تبقى ماضي للنادي الأهلي قبل كده وتعمل كده، فك كده ماتبقاش نفسيتك أفشة يا نباطشي".

عاجل
عاجل
النيابة العامة تعلن نتائج التحقيقات في حادث تصادم قطارين بسوهاج