عمرو محمود ياسين عن تشجيع الزمالك: "لا يا جماعة مش للدرجادي"

أعرب الفنان والسيناريست عمرو محمود ياسين عن تعجبه الشديد من طريقة تشجيع الشباب لناديهم المفضل، موضحا أن ما يحدث خلال الفترة الماضية غير مقبول حيث دخل أحد الشباب للمستشفيات بسبب خسارة نادي الزمالك.

وكتب عمرو حسابه الرسمي بموقع التواصل الإجتماعي فيس بوك:"شفت فيديو غريب جدا وصعب، لمشجع زمالكاوي منهار في المستشفى عشان الزمالك خسر. شاب صغير، بس انا عايز اقول لا يا جماعه مش للدرجه دي، دي رياضه يا أخوانا، لازم نحط الامور في نصابها الصحيح".

وأشار عمر :"أنا جزء كبير من سعادتي بالفوز اني كنت خايف ع ابني محمود اللي طول الاسبوع مشغل أغاني الأهلي في البيت، وعمال بيغني معاها وبحرقه و بقاله يمكن شهر ييقولي أن يا بابا لو الأهلي خسر ممكن يجرالي حاجه".

وأضاف:"فعلا جزء كبير من فرحتي بالفوز أنه ماتضايقش بالشكل ده، وعايز اقول لكل اخواتي واولادنا، أهلاويه وزمالكويه الحياه مليانه تحديات ومحتاجه مننا مجهود وطاقه وفروا طاقتكم و صحتكم لتحديات اكثر شراسة وقوة واهميه و هتكون بتخصكم انتوا شخصيا".

واختتم عمر موجه رساله لجمهوره:"حبوا انديتكم. وانتموا كما شئتم .. لكن خافوا ع نفسكم .. خافوا ع مستقبلكم واهلكم .. ربنا يحفظنا جميعا".