قال سلمى الشيمي فتاة سقارة التي أثارت على جدل كبير بين متابعيها أنها تلقت عروضا كثيرة لكي تشارك في أعمال فنية خلال الفترة المقبلة، موضحة أن هناك عدد من النجوم الذين دعموها في قضيتها الأخيرة، رافضة ذكر أي أسماء.
وأضافت الشيمي في مداخلة هاتفية مع الإعلامي وائل عبد الوارث في برنامج 'كارت أحمر' المذاع عبر فضائية 'الحدث اليوم' معتبرة أن الفيديو انتشر انتشار غير طبيعي، وأخذ مسار مخالف موضحة أنها دفعت تذكرة تصوير 1500 و 400 جنية لحراس الهرم.
وتابعت، إن عددا من نجوم الفن ساندوها وأيدوها: 'دون ذكر أسماء ناس كتير كلمتني وقالت لي إحنا معاكي وقالوا لي يا سلمى أنت معملتيش حاجة وهم معايا ضد التنمر اللي عليا لكن كلنا بنحترم القانون'.
وتداول رواد مواقع التواصل الاجتماعي صورة جديدة لعارضة سلمى الشيمي، التى عرفت مؤخرًا على السوشيال ميديا بـ 'فتاة الزي الفرعوني'.
وظهرت سلمي الشيمى في الصورة المتداولة بملابس العمرة مرتدية 'عباية بيضاء، وحجاب، وبيدها سبحة'، كنوع من الدعاية لإحدى شركات الأزياء.
وفي سياق، آخر بعد الجدل المثار حول واقعة سقارة، خرجت سلمي الشيمى وكتب عبر صفحتها على موقع 'فيسبوك': ' شكرا لكل الناس اللي وقفت جنبي، حابة أشكر كل الناس سواء اللي وقف جنبي أو اللي هاجمني لكن في الآخر أنا بشر ممكن يكّون اللي بعمله غيري يشوفو صح وممكن غيري يكون شايفه غلط'.
وأضافت: 'في الآخر أنا بحترم كل الناس وبحترم كل الآراء وبحترم أسرتي جدا، ومش عايزة حد يزعل مني أنا اتصورت زي أي شخص ممكن يتصور، بطلب من الجميع يقفل الموضوع لأني اتأذيت نفسيًا، أنا زي أي بنت عايزة أعيش حياتي من غير ما حد يضايقني أو يقول كلام مش صح عني وفِي الآخر رجاء نقفل الموضوع دا بلاش تبقوا سبب في خراب حياة غيرك، كلنا معرضيين لضيقة أنا في بداية حياتي وعاوزة أكملها بلاش تكونو سبب في نهايتها'.
تابعوا آخر أهل مصر على Google News
