أعلن الفنان أحمد فريد عن وفاة محمود قطب البحيري والد الفنانة داليا البحيري منذ دقائق قليلة بعد صراع مع المرض، ومن المقرر أن يتم تحديد موعد الجنازة ومكان الدفنة في الساعات المقبلة.
وكتب الفنان أحمد فريد، عبر حسابه بموقع التواصل الاجتماعي فيس بوك، قائلًا: البقاء لله، توفي إلى رحمة الله تعالى حبيبي ووالدي التاني المهندس محمود البحيري، والد أختي الفنانة داليا البحيري، نسألكم الدعاء.
وفاة والد داليا البحيري
وفي وقت سابق أعلنت الفنانة داليا البحيري، منذ قليل، عن إصابة زوجها بفيروس كورونا المستجد، ونشرت رسالة عبر حسابها الشخصي على موقع التواصل الاجتماعي 'فيسبوك'.
وقالت داليا البحيري: 'أوك...أنا حبدأ بألف حمد وشكر ليك يارب؛ لأن أنا عارفة ومتأكدة إن احنا عملنا اللي علينا وزيادة... حافظنا وقعدنا في البيت، وعقمنا وطهرنا، وشجبنا اللي نزل انطلق واتفسَّح... وأنا والحمد لله راضية جدا بقضاء ربنا- سبحانه وتعالى-... حسن جوزي وحبيبي طلع إيجابي كورونا ڤايروس...ربنا يشفيه ويعافيه يارب'.
وأكملت البحيري قائلة: 'احنا كلنا عملنا مسحات... أنا والأولاد، واللي بيساعدونا في البيت؛ عشان نطمن؛ لأننا كنا مخالطين لحسن... وبإذن الله نعرف النتيجة بكرة بليل... وربنا يجيب العواقب سليمة يارب'.
وواصلت قائلة: 'أنا بقول الكلام ده ليه؟؛ عشان أي حد لازم يعمل كده، لازم يقول، وبكل وضوح؛ عشان الناس اللي كانت مخالطة ليهم يعرفوا، ويطمنوا على نفسهم... لأن دي أمانة... والمرض مش حاجة الواحد يخجل منها... بشكر كل اللي اتكلم يطمن على حسن وعلينا'.
واختتمت :' وآسفة إن احنا مش ملاحقين نرد؛ عشان متكركبين، وبنشوف حنعمل إيه... دعواتكم لحسن بالشفاء العاجل، ودعواتكم لينا إننا نكون بخير، ألف شكر، وربنا يسلمكم جميعا، ويحفظكم من كل شر'.
تابعوا آخر أهل مصر على Google News
