سادت حالة من الاستياء وسط متابعي ورواد مهرجان القاهرة السينمائي الدولي 2020، تعاطفا مع فتاتين تقودان حملة لشركة شهيرة داخل المهرجان، أجبرتهما الشركة على ارتداء يونيفورم معين عبارة عن 'هوت شورت وجاكيت قصير'، رغم برد ديسمبر القارص، على حد قولهم.
السوشيال ميديا يتعاطف مع فتاة تقود حملة دعايا بمهرجان القاهرة السينمائي
وتداول رواد السوشيال ميديا صورة لإحدى الفتيات وهي مرتدية 'هوت شورت وجاكيت قصير' رغم البرد، أثناء عملها بحملة دعايا لإحدى شركات المناديل الورقية لشهيرة، زاعمين أن الشركة فرضت عليها ذلك.
السوشيال ميديا يتعاطف مع فتاة تقود حملة دعايا بمهرجان القاهرة السينمائي
وكتبت إحدى الناشطات على السوشيال ميديا، 'طول المهرجان وانا محروق دمي من شركة فاين، شخص غبي من العلاقات العامة عندهم قرر إن البنت دي تلبس شورت في عز البرد القارص بتاع شهر ديسمبر عشان تجذب العملاء، البنت دي جسمها بالليل كان بيتحول للأزرق وكانت بتدخل الحمام حوالي أربع مرات في الساعة الواحدة'.
وأضافت، 'أنا مرضتش اتكلم طول المهرجان عشان متتأذيش أو يمشوها ومتاخدش فلوسها، وسط وباء الكورونا عندنا وباء أخطر منه هو الذكورية البشعة اللي بقت مهيمنة على هذا العصر بفجاجة رهيبة، ومحدش يقول وهي وافقت ليه لأن ظروف البلد السنة دي كلها صعبة وكلنا محتاجين فلوس، بس العيب على الشركة القذرة والإنسان القذر اللي فكر يبيع منتجه بالشكل المهين ده، واللي هيسأل مش يمكن ده لبسها هي، لا ده يونيفورم بتلبسه كمان البنت بتاعت الصبح ده مفروض عليهم'.
تابعوا آخر أهل مصر على Google News
