علي الطيب يطالب بالقبض على طفل: "قالي أنت متعرفش أنا أبويا يبقى مين"

طالب الفنان الشاب علي الطيب بالقبض على طفل يبلغ حوالي 12 عامًا بسبب قيادته المتهورة، موضحا أنه قام بإنزال الشاب من سيارته ليرد عليه أن والده يعمل في وزارة التربية والتعليم وسرد ما حدث معه عبر حسابه الرسمي بموقع فيس بوك ما حدث معه.

ونشر علي الطيب صورة السيارة وكتب: 'اللي يشوف العربية دي راكبها عيل 12 سنة يبلغ عنه ويعمله محضر عشان البيه ماشي في شارع بيتي يا دوب عربية تعدي منه ومليان أطفال سواء راجعين من المدرسة أو ولاد حد في الشارع ونازل أجيب بنتي من المدرسة وشوفته بيجرى ولا كأنه في صلاح سالم قولت يمكن في حاجة طلعت اكتشفت أن البيه رايح جاي في الشارع ونزلت على صوت واحدة بتصوت كانت بنتها هتتخبط.. روحت نازل مستنية يرجع تاني لغاية ما وقفته قبل ما يبدأ اللفة السادسة.. فين يا ابني أنت أهلك'.

تابع: 'الرد كان أنت مالك عايز إيه.. كان رد فعلي أني أفتح باب عربيته وأنزله منها لغاية ما حد ييجي من أهله يتصرف معاه فبدأ يهلل وأنت متعرفش أنا أبويا مين واخواتي مين.. روحت مخلي حد ركن العربية.. أخدت المفتاح وخليت جيرانه يكلموا أبوه.. أستاذ عماد اللي مفروض أنه في وزارة التربية والتعليم وفهمته أني في انتظاره والمفتاح معايا اسلمه ليه في ايده وقولت أكيد هيستوعب الكارثة'.

منشور على الطيب فيس بوك

وأشار على الطيب أن ذلك الطفل قال لوالده ان هناك أشخاص تعدوا عليه بالضرب وهو ما لم يحدث: 'البيه لما لقى كل اللي يعرف أبوه كلمه راح مسخن ابوه وقاله انا اتضربت واتاخد مني مفتاح العربية وفجأة جه ووصل وكلامه كله يتلخص في أنت مالك وابني براحته و بدال عيالك او اللي في الشارع محصلهمش حاجه يبقى لزمته ايه كل ده و انت تضربه و تاخد ليه المفتاح، أنا حضرتك شديته بره العربية ومضربتوش لغاية ما حضرتك تيجي وتتصرف معاه'.

منشور على الطيب فيس بوك

أضاف الطيب: 'هو أنا مش ممكن دلوقتي أمد ايدي عليك وأندمك.. حضرتك راجل كبير ولو زودتها عن كده مش هعمل حساب لسنك، واللي كانوا معاه يسكتوني ومعلش حط نفسك مكانه و بعدين ابنه ضابط أمن وطني و متدخلش نفسك معاه في مشاكل أنا هنا مبقتش مستغرب تصرفات ابنه أصلا و عرفت ان أبوه مقوية و لولا أني على حق و كل اللي واقف و شاف بيشهدوا على اللي حصل بس مقلقين منه و منتشره كان زمانه عملي محضر تعدي و سرقه مثلا'.

فيلم الحارث من إخراج محمد نادر، ﺗﺄﻟﻴﻒ سيد علي عبدالخالق، ويشارك في بطولته نخبة كبيرة من نجوم الفن، الفنان أحمد الفيشاوي ياسمين رئيس، علي الطيب، أسماء جلال، محمود الليثي، عارفة عبدالرسول'.

وتدور أحداث العمل في إطار الرعب، حول زوجين تنقلب حياتهما أثناء شهر العسل، في ليلة يغيب قمرها ويبحث الشيطان فيها عن عروس.