هاجم مطرب المهرجانات الشعبية حمو بيكا، المطرب عمر كمال، واصفا إياه بأنه صاحب مزيف، على حد تعبيره، مؤكدًا أنه يدعي محبته لكنه يكرهه.
ونشر بيكا، عبر صفحته بموقع التواصل الاجتماعي فيس بوك صورة لعمر كمال، موضوع عليها علامة إكس بالأحمر وقال: 'ياريت محدش يكلمنى فى شغل على الشخصية دى، عشان أنا كنت بحبها، والشخصية دى بتتهرب من شغلى اللى خلانى اتفق عليه، والاثبات بعد الصورة دى هنزل فيديو، هو عامل بيحبنى وهو بيكرهنى.. مع السلامة يا صحاب مزيفة'.
وقال بيكا في مقطع فيديو نشره عبر صفحته الشخصية فيس بوك: 'انتظروا أغنية فستان الفرح مع عمر كمال'، ويقول عمر كمال في الفيديو: 'إن شاء الله تكون أغنية حلوة جدا وتعجب كل الناس'.
وبعدها نشر حمو بيكا مقطع فيديو أخر عن عمر كمال يقول فيه: 'أنا مش بحب أزعل حد مني ولا أجي علي حد وبتكلم عن البوست اللي نزلته من شوية، عايز أعرفكم أنه من سنتين مكنتش أعرف عمر كمال ولكنه دخل بعت لي رسالة بيقولي أنا محتاج أنزل معاك أغنية وقلتله ده مكانك وبحب الخير وفتحت له درعاتي ومكاني وعملت له أول أغنية وطلب مني أعمل أغنية تاني وعملنا شمس المجرة ونجحت'.
وتابع: 'من قيمة فترة كنا بنسجل مهرجان إنتي معلمة وفضل يسايسني وكنت مفكره جدع وغلبان ولكنه ولا طيب ولاغلبان وعملنا التراك لأنه هو اللي هياخده وصورنا الفيديو، بعديها اتطلب مننا مهرجان أنا وهو اسمه فستان الفرح وقالي انا معاك واتفق هشتغل معاك وجه بكرة ارن عليه فضل يتهرب مني ويقولي مشغول أنا طيب وبحب الناس ترزق ولكن صحبت شوية صحاب مزيفين، وأنا طالع أوصل رسالة أنك إنسان إناني لأنك حطيتني مع الناس وخلتني ارجع الفلوس واقولك مفيش حاجة دايمة غير الحب والصحوبية وأنت عمال تجمع في فلوس فمهرجان أنتي معلمة أنا هقفله لان حقي'.
واختتم: 'أنت بني أدم مش كويس لكن أنا فاضي معنديش حاجة غيركم، واللهم أما بلغت يكفيكم شر الغلبان لما يطلع عاملتكم بالحسني مش جاية معاكم وأنا والله زي ما بتصغروا بي أنا هصغركم، وأقول لكل جمهوري أنا بحب الخير لكل الناس، والناس دي طلعت عايزين ياخدوا مصلحة ويمشوا، أنت لوحدك يا عمر كمال كارت محروق، الجدعنة معددش عليكم ومتعرفش قيمة العيش والملح ومش فاضي لحد غيركم'.
تابعوا آخر أهل مصر على Google News
