نشرت الإعلامية ريهام سعيد صورة لها برفقة والدها في أيام الطفولة عبر حسابها الرسمي بموقع التواصل الاجتماعي 'إنستجرام'، توضح من خلالها أنها تحب الحيوانات وتحسن معاملتهم، كما كشفت عن معاناتها التي عاشتها بعد قرار وقفها من سنة، جاء ذلك ردا على الحلقة المثيرة للجدل صيد الثعالب في برنامج صبايا الخير.
وكتبت ريهام : 'الصوره دي من 35 سنة في إنجلترا، إحنا اتربينا على حسن معاملة الحيوانات والبشر أبويا وأمي للأسف ربوني أنا وأختي على الرحمة والطيبة والأدب، وبقول للأسف لأن أنا وأختي ياما تعرضنا ووقعنا في مشاكل بسبب الطيبة والأدب والجدعنة وأي حد اتعامل معايا عارف كده'.
وتابعت ريهام: 'سكت كتير بس مش قادرة طبيعي لما تكون حد مشهور أنك تتعرض للانتقاد أو تتفهم غلط لأن محدش يعرفك شخصيا وطبيعي أنك تعتذر لجمهورك لأن هو اللي عملالك، وفضله عليك بعد ربنا حتى لو مش غلطان، الصادم في الموضوع الناس اللي تعرفني، وتعرفني كويس عارفة بيتي وأهلي وتربيتي وشخصيتي أصحابي وأرايبي وحتى الزملاء'.
وأضافت ريهام: 'على سبيل المثال في ست بيني وبينها مش هاقول صداقه لكن على الأقل معرفة وعيش وملح، من أكتر من 20 سنة الست دي حطت بوست تهاجمني في أزمة حلقة الحيوانات البرية، مع أنها كان ممكن تكلمني في التليفون تعاتبني أو حتى تشتمني لو شايفاني غلطانة، البوست بيتحط من الغريب عشان يوصل صوته أو عشان يضرني، إنتي حطيتي بوست ليه؟ أنتي والزملاء اللي تعرفني شخصيا'.
وأردفت: 'الست دي جوزها عنده عربية كبدة يبيع ساندوتشات أنا قصدي أنه بيبيع لحمة يعني بتدبح مش نباتيين هي وجوزها، عشان تاخد صف الثعلب وتبيعني خصوصا، أنها حطت البوست وهي ماشفتش حاجه ولا فاهمة حاجة هتقولوا الذبح حلال وصيد الحيوانات البرية حلال، وبعدين إحنا مش بنتكلم في حلال وحرام، دي بتقول إن روح الثعلب تختص مني يوم القيامة مع أن الثعلب مماتش ولا حصل له أي حاجة غير أن من 60 سنة الصيادين مش أنا بيصطادوا الثعلب، بأنهم بيقفلوا الحديدة على رجليه زي ما بتصطاد الفار والمصيدة بتقفل على ديله هل ده تعذيب؟ ما علينا'.
وأكملت ريهام سعيد: 'الست دي عارفه أني تقريبا بقالي 4 سنين مش بشتغل وشافتني بعد 50 يوم سجن، وأنا مهلهلة وبحاول أقف على رجلي، الست دي عارفة أن عندي مسؤوليات مادية رهيبة، وتعرف أن البيت اللي حوشت عشانه 15 سنة من شغلي رجعته الشركه اللي هي بتشتغل فيها عشان معرفتش أكمل أقساطه'.
واختتمت ريهام: 'أيوه أهلي ميسورين الحال لكن أنا بحب اعتمد على نفسي، الست دي تعرف أني بعد سنة وقف يستجمع كل قوتي عشان أقف على رجلي المرة العاشرة عشان متضيعش 18 سنة اتبنى من خلالهم كيان وعارفة أد إيه أنا اتظلمت، وعارفة أد إيه بحب الناس والخير، وعملت إيه في حياتي وضحيت بإيه عشان أسعد غيري، الست دي صعب عليها الثعلب في صورة مفبركة، ومصعبش عليها ولادي اللي تعرفهم كويس لو شغلي وقف أو حتى شافوا البوست، صعب عليها الثلعب اللي أنا متأكده أنه لو عض بنتها هتقتله'.
تابعوا آخر أهل مصر على Google News
