تعرض نور نجل الفنان هشام سليم لحملة هجوم شرسة من قبل متابعيه؛ عقب جلسة تصوير جديدة مع أصدقائه في أوضاع غير لائقة حسب ما وصفها الجمهور الذين اتهموه بالشذوذ الجنسي.
ورد نور هشام سليم على متابعة من خلال حسابه الشخصي على'إنستجرام' عبر خاصية القصص المصورة، مؤكدا أنه حر في تصرفاته وعلى الآخرين التركيز في أنفسهم فقط.
وأضاف بطريقة ساخرة في مقطع الفيديو: 'كل واحد يركز في نفسه ويسيب الباقي يعمل اللى هو عايزه.. مش عارف أقولكوا كام مرة أنا اتصورت مع واحد صاحبي الناس بتقول عليا شاذ، مش فاهم إزاى.. كل حد يركز فى نفسه'.
وفي وقت سابق خرج نور هشام سليم في فيديو عبر حسابه على 'إنستجرام'، وقال: 'يا جماعة أنا قلبي متقطع على مصر وعلى الإنسانية اللي مش موجودة في مصر. اللي راضي بيا ومش راضي بملك الكاشف يبقى منافق ، واللي راضي بيا ومش راضي بسارة حجازي يبقى منافق، واللي هيجي يقولي عشان ده الدين وده الإسلام فده دينك انت ودي حياتك انت وبراحتك تفكر بطريقتك بس متفرضش دينك وتفكيرك عليا أو على سارة أو على ملك'.
وتابع نجل هشام سليم وهو يبكي: 'البنت ماتت، فين الإنسانية يا جماعة، اللي هيجي يقولي أصل انت عادي بس المثليين والمثليات لأ ده حرام. أقولكم حاجة أنا مكنش ولا في خلل هرموني واللي عملته مكنش تصحيح، ده كان تحويل'.
وأضاف نور هشام سليم المتحول جنسيًا: 'المفروض اللي أنا عملته قدام ربنا ده غلط بس انتم كلكم ماشين تقولولي حبيبي يا نور وانت زي القمر وانت كويس وانت متقولش انك وحش وعيش مبسوط، بس سارة لما ماتت الناس بقت تقول أحسن وإن شاء الله الدود يكلك، فهل هتقولوا عليا كده لما أموت؟ عادي مش فارقلي بس ليه هو مش كلنا بني أدمين عاشين مع بعض'.
وأختتم ابن هشام سليم المتحول جنسيًا حديثها وقال: 'انت بتغلط وبتزني وبتشرب وبتحشش ومعندكش كلام. أنا زيي زي سارة حجازي واللي مش راضي بيها مش راضي بيا واللي مش راضي بيها مش عايزه عندي. احنا بني ادمين يا جماعة وهي مشكلتها ايه انها كانت بتحب البنات؟، حرام عليكم يا جماعة انتم مش ملايكة عشان تحكم على الناس ارحموا الناس، ولو انتوا فاكرين ان ده اختيار ان الواحد يطلع مثلي جنسيًا يبقى انتم مش فاهمين خالص ليه اختار ان أنا اتعذب؟'.
تابعوا آخر أهل مصر على Google News
