وجهت الإعلامية سالي عبد السلام رسالة حزينة إلى والدها بعد تعرضه لوعكة صحية، وذلك عبر حسابها الشخصي على موقع تبادل الصور والفيديوهات الشهير إنستجرام.
وقالت سالي عبد السلام:'أبويا الموبايل بتاعه دايماً صورتى وانا صغيرة و بلغد أول ما اتخانق معايا وزعقلى قدام الدكاترة عشان مخضوضة اطمنت عليه
احنا بنتخانق كل يوم! سبحانك لو هتضربنى يا عم انا راضية بس تفضل معايا'.
وتابعت قائلة : 'رعبتنى عليك وانا مليش غيرك يا ابويا..الحمدلله الدعاء يغير الاقدار والله غيرتوا كتير و طمنتونى كتير ..هنطلع الحمدلله ونتابع فى البيت وندعى تانى وربى يستجيب دعواتكم و يسعدكم و لكم اضعاف ما دعيتم'.
وأكملت : 'قعدت اكتر من ٢٨ ساعة من غير نوم انا وامى ويومين فى المستشفى ولما قالى مش عايز عناية مركزة لو فضلت فيها مش هطلع و كتبت تعهد انى مسؤولة و قعدت بيه والحمدلله عدت والتحاليل والالتهاب والصفرا وانزيمات الكبد كانت مريبة بس لسه بتقل و التشخيص مطلعش زى ما كنا خايفين احمدك يا رب..قضا اخف من قضا'.
وأضافت :'هنخرج من المستشفى بإذن الله والتهاب البنكرياس يخف ونعمل العملية لازم نشيل المرارة فى اسرع وقت ان شاء الله وامى كمان كان لازم نعملها العملية دى من سنتين وكنا خايفين عشان عندها مشاكل تانية بس بعد اللى حصل لازم نعملها فى اسرع وقت للاتنين وخايفة اكتر بس الحمدلله...الا المرارة والتهابها وحصواتها ده كابوس فعلاً زى ما الدكاترة بتسميه...ربنا ما يوجعكم فى اهاليكم و يخليهم ليكوا يا رب و يصبر ويعوض اللى فقدوهم و يهون عليهم يا رب'.
واختتمت : 'الحمدلله اللهم هون اللهم بارك.. وهحتاجكم فى الدعاء لأمى وابويا من دلوقتى لوقت العملية..انتوا رزقى ..اخترت شغلانتى عشان الدعاء يا رب وانت تعلم و مفيش حد قالى ادعى الا و دعيتله يا رب ..الدعاء امانة
كان لازم اكتب عشان تدعولى حتى لو هو زعل بس مكانش معايا غير ربنا و دعاكم والله.. انا عند ظن عبدى بى...يا لطيف الطف بنا.. الحمدلله ..اللهم صلى وسلم وبارك على سيدنا محمد '.
تابعوا آخر أهل مصر على Google News
