نيللي كريم تنصح متابعيها: بلاش تيأس ومتخليش حاجه توقفك

طالبت إحدى معجبات الفنانة نيللي كريم بتوجية نصيحة لها عقب انتهائها من مرحلة الجامعة واقتراب عيد ميلادها، حيث أوضحت أنها تتعمق في دراستها أو تتفرغ لتحقيق حلمها.

وكتبت نيللي كريم عبر حسابها الشخصي بموقع 'فيس بوك': 'أنا من خبرتي في حياتي يعني أهم حاجة اللي يخلص الجامعة لو هو مخلص جامعة بيحبها وعايز يكمل في دراستها ويتعمق أكثر يعمل كده، ولو هو خلص بس نفسه يجرب حاجات تانيه يعملها'.

وتابعت نيللي:'يعني مرات كتير أوي مثلا حد بيخلص business بس هو نفسه يمثل، يمشي ورا حلمه بس برضة يخلي شغله ودراسته على جنب بس يمشي علي حلمه، ومهم أوي أنك تكون بتعمل الحاجة اللي بتحبها لأن ساعات بنضطر ندرس حاجات حابنها بس نفسنا برضه نعمل حاجات تانية نحقق حلمنا فيها، ممكن تكون أي حاجة حد نفسه يتسلق الجبال أو يغني أو يمثل أو حد بيرسم designs'.

وواصلت: 'يعني الأحلام مش بتخلص لأن في أحلام كتير، طول ما إحنا عايشين بنحلم فبلاش تيأس حتى لو ماجتش في أول سنة اثنين أربعة خمسة، بلاش تيأس وبرضة كمل في حلمك، واعمل حاجة بتحبها متخليش حاجه توقفك'.

واختتمت نيللي:'مستقبلك في ايديك أنت اللي تقرر عايز تعمل إيه ولازم يكون عندك إصرار وصبر وقوة وعدم يأس من أي حاجة مهما يحصلك في حياتك...متيأسش'.