المؤلف عمرو سمير عاطف يشن هجوما على الممثلين لهذا السبب

شن المؤلف عمرو سمير عاطف هجوما على الممثلين، وذلك عبر رسالة بعثها على حسابه الشخصى على موقع التواصل الاجتماعي فيسبوك.

وقال عمرو سمير عاطف :"كل الاحترام والتقدير لكل ممثل اشتغلت معاه في اي عمل من أول بكار لغاية مسلسل النهاية معظمهم فعلا ادوا أداء متميز بس انا حابب اقول كلمتين للممثلين في العموم ".

واضاف:" لما تزود كلام من عندك علي الحوار المكتوب او تغير الحوار فلازم تبقي فاهم ان الكاتب مش بيعترض بس لان غالبا اللي انت زودته جهل وغلط او تحصيل حاصل ما بيضفش اي حاجه للحوار بالعكس بينقصه ويسطحه لاء ده كمان بينسب للمؤلف وبيتقاله بعد كده ايه اللي انت كاتبه ده وهو ما كتبوش ولا وافق عليه".

وتابع :" وعشان كده احيانا بيعترض مش لأنه بالضروره مش عايز حد يغير كلامه -ولو انه حق أصيل للكاتب اللي اخترت ان انت تشتغل معاه وتمثل كلامه - علي الاقل تواضع شويه وخد راي الكاتب وافهم وجهة نظره لانه بيبقي حريص عليك وبالتالي مش ها يتعمد يقولك حاجه مش من مصلحتك ولو انت متصور انك بتفهم اكتر منه -وده قطعا وارد- فاتفضل ياباشا الف انت وريحنا".

يشار إلى أن آخر أعمال المؤلف عمرو سمير عاطف كان مسلسل النهاية الذي عرض في سباق مسلسلات رمضان 2020 بطولة الفنان يوسف الشريف، سهر الصايغ، عمرو عبد الجليل.