مؤلف"في عز الضهر" يتعرض لوعكة صحية: مقضيها علاج وحقن

أعلن المؤلف كريم سرور عن تعرضه لوعكة صحية خلال الأسبوع الماضي، حيث يعاني من إلتهابات شديدة في الأمعاء والقولون، موضحا أنه غير قادر على النوم أو تناول الطعام.

وكتب كريم عبر صفحته الرسمية بموقع فيس بوك:'أنا من يوم الجمعة وأنا عندى إلتهابات شديدة فى معدتى والقولون وارم ومش عارف أكل ولا أشرب ولا أنام ومقضيها علاج وحقن وألم حقيقى شديد جداً ومن يومين مش قادر أحط أى حاجة فى معدتى حتى العلاج مش قادر أخده معدتى مش قابلة أى حاجة'.

وأشار كريم:'اضطريت أروح للمستشفى عشان آخد محاليل وبرضه الألم مستمر حتى بعد المسكنات وفى الآخر عشان يسكتونى إدونى منوم عشان أنام ولسة صاحى دلوقتى ولسة معدتى وجعانى جداً ومفيش دكتور بيقولى حاجة غير إنه ضغط عصبى ومفيش سبب عضوى'.

وطالب كريم متابعه بالدعاء له لكي يتماثل الشفاء العاجل في أقرب وقت:'دعواتكم بقى ونهدى شوية وبطلوا رسايل أنت مبتردش ليه و عايزك ضرورى وكلمنى عشان عاوزك وكلمتك يا معلم وأنت فين ونصكم أصلاً مبيسألش بقاله سنة أنا حالياً بحاول أعيش فسيبونى أكمل المحاولة أو أموت و أخلص منكم و تخلصوا منى وشكراً دراعى اليمين عادل عبود المساعد بتاعى اللى معايا و فى ضهرى فى أى حاجة نشوفكم فى الأفراح إن شاء الله أو فى الآخره أيهما أقرب'.

جدير بالذكر أن المؤلف كريم سرور يقوم بتأليف فيلم في عز الضهر الذي يقوم ببطولته النجم العالمي مينا مسعود وهنا الزاهد وإيهاب فهمي ومحمد علي رزق ومحمود حجازي وباقي طاقم العمل.