سالي عبد السلام تثير الجدل بعد إلغاء حفل زفافها: مالقيتش رجالة

تصدرت الإعلامية سالي عبدالسلام، مؤشرات البحث على جوجل مصر، منذ صباح اليوم الخميس، وذلك بعد أن روت قصتها الغير متوقعة، والمتمثلة في إلغاء حفل زفافها الذي كان من المفترض إقامته الشهر الجاري.

إلغاء زفاف سالي عبد السلام

وقالت سالي عبد السلام، خلال برنامجها الذي تقدمه على الفضائية المصرية: 'زمان عدت عليّ جملة مكنتش فهماها أوي بتقلك إن لما حد يحكيلك همه كأنه ادالك حتة من جسمه بس بعد ما مريت بقصة حقيقية عرفت أكثر معنى الجملة دي، احنا عملنا البرنامج ده عشان نجبر بخاطركم، ولكن لم أعرف أو أتخيل أن رسايلكم وتعليقاتكم هي اللي هتجبر بخاطري وخاطر كل فريق العمل لأننا كلنا شبه بعض'.

وتابعت: 'شكرا لكم، يمكن ناس كتير متعرفش أني جيت في معظم الحلقات اللي احنا صورناها معيطة، مش مكسوفة أني أقول كده، أهلي دائمًا بيستنوا مني أني أبقى قوية وعادي ومهيمكيش وكبري'.

وأضافت: 'أنا مش هقول إن اختياراتي غلط، أنا ما بختارش أنا ممكن ألاقيني داخلة في قصة، بختار شخص مناسب زي ما المجتمع بيقول، على أساس السكينة والمودة والرحمة مش زي ما الناس أغلبيتها بيقولوا دي بتتنك دي مش عاجبها العجب، اه كنت باجي التصوير كتير جدا معيطة وبالذات الشهر ده عشان كنت مهيئة نفسي أني هكتب كتابي وكنت هتجوز بس الموضوع ما مشيش يعني لأن أغلبية اللي بنعرفهم مبقوش قد المسؤولية ومبقوش رجالة مبقوش يستاهلوا'.