محمد سامي يحتفل بنجاح زوجته مي عمر: "بنحب بعض وبنساعد بعض طول الوقت في تحقيق أحلامنا"

أعرب المخرج محمد سامي، عن سعادته البالغة بنجاح زوجته مي عمر، بعد تخطي مسلسلها لؤلؤ المليار مشاهدة وتوظيف موهبتها في العمل الجديد.

ونشر المخرج محمد سامي عبر حسابه الرسمي بموقع تبادل الصور والفيديوهات الشهير إنستجرام صورة تجمعه بمي عمر وكتب: 'دى صورة لي أنا و مى من ١١ سنة، كنا بنفكر في أحلامنا ومستقبلنا وبنتمنى حاجات كتير ربنا أدانا أكتر منها كمان ، عشان حاجه مهمه بعد كرمه و عطاءه ، عشان بجد بنحب بعض وبنساعد بعض طول الوقت في تحقيق أحلامنا'.

أوضح: ' بيتهيألي أني صعب كنت أنجح فى شغلي من غير دعم ومساندة مى لي طول الوقت، الدعم ده حاجات كتير قوى محتاجه مليون بوست عشان تتكتب كلها ، والنهارده أنا و هي بنحتفل بنجاحها اللي تعبت فيه و اشتغلت عشانه كتير ووفقت بصعوبه بين بيتها اللي مخلياه جنة لي أنا و بناتي وبين أهلها وحياتها وشغلها و في الاخر نجحت نجاح كبير يفرح بيها كل محب ويثيرغيرة وحقد الكارهين'.

أضاف محمد سامي: 'مبروك حبيبتي و بنتي ومراتي الغاليه ، ودايما ناجحه ومتفوقه ، وتحيه لكل ست ناجحه وعارفه توصل لنجاحها رغم واجبتها تجاه أسرتها'.

مسلسل لؤلؤ قصة مي عمر وتأليف محمد مهران، وإخراج محمد عبدالسلام والمشرف على الإخراج محمد سامي، من بطولة مي عمر، محمد الشرنوبي، أحمد زاهر، نجلاء بدر، أدوارد، هيدي كرم، نرمين الفقي، سلوى عثمان.