محمد هنيدي يكشف كواليس بيت الدعارة في "جاءنا البيان التالي": قابلت عفت الشربيني في الحقيقة وأحتفظ بالباروكة

تصدر اسم الفنان محمد هنيدي مؤشرات بحث جوجل مصر وذلك بعد أن حل ضيفًا على برنامج سهرانين مع الفنان أمير كرارة، وكشف خلال اللقاء كواليس شخصية عفت الشربيني في مشهد بيت الدعارة بفيلم جاءنا البيان التالي.

محمد هنيدي في برنامج سهرانين

وقال محمد هنيدي عن مشهده في فيلم جاءنا البيان التالي: 'كانت شخصية حقيقية، في مهرجان السينما بالإسكندرية، أول ما شوفتها لفت نظري غرز كتير في إيدها فقولت لها إيه اللي في إيدك فقالت لي حادثة قديمة، فقولتها واخدة إيه، فردت واخدة كمية برشام مختلفة وبعدين تطلب زي ما تطلب، كل الحاجات اللي ربنا فكرني بيها قولتها في المشهد'.

وتابع محمد هنيدي حديثه، قائلًا: 'المشهد كان صعبا، ولكن تم تصويره من أول مرة، وبالرغم من أن الفنان طلعت زكريا كسر مُلة السرير أثناء تصوير المشهد إلا أن المخرج سعيد حامد لم يوقف التصوير، المشهد خلصناه في نص يوم تقريبا، وكان مشهد لازم أفكر فيه، أنت في بيت دعارة، كان مينفعش أعمل حاجة فيها علاقة بقلة الأدب، بس الحمد لله المشهد طلع كدة'.

محمد هنيدي فيلم جاءنا البيان التالي

واختتم هنيدي حديثه: 'المشهد في الأصل لما كتبه محمد أمين كنت أنا الراجل وحنان ترك البنت بس قولتله طب ما نقلب ونجرب، وكانت الست في الفيلم من أحلى الشخصيات، ومحتفظ بالباروكة والإكسسوار ولبسها لحد دلوقتي'.