تصدرت مسرحية الزعيم عادل امام 'بودي جارد'، ترند مواقع التواصل الاجتماعي، بعد عرضها عبر منصة 'شاهد' الالكترونية، وذلك بعد نحو21 عاما من بدء تقديمها على المسرح وبالتحديد عام 1999.
وشن عدد كبير من رواد موقع التدوينات القصيرة تويتر هجوما ضارياً على المسرحية متهمين إياها بأنها خالية من الضحك ومليئة بـ الإسفاف والابتذال على حد قولهم، ونرصد عدد من آراء رواد موقع تويتر حول المسرحية.
شهيرة العلوي
'عادل امام بذكاء نادر أدرك زمان أن مسرحية 'بودي جارد' غير صالحة للعرض التلفزيوني ـ وأن مجيء الناس للمسرح كان لمشاهدته كنجم أول في كل العصور
حالة إحباط أصابت معظم كل من شاهد المسرحية ربما كانت المقارنة بمدرسة المشاغبين و شاهد ماشفش حاجة والزعيم هي السبب'.
محمد فؤاد
'مفيش واحد قال كلمه حلوة فى مسرحية بودى جارد تشجع الواحد يدخل يشوفها'.
شهاب
'كنت حاسس وبنسبة كبيرة أن مسرحية بودي جارد لما تتعرض مش هتبقي حلوة ومش هتعجب وقد كان فعلا'
محمد
'ده كان ليهم حق ميذيعوش مسرحية بودي جارد لحد دلوقتي'.
أحمد الدالي
'أنا آسف للتلت ساعات الى ضيعتهم من عمرى واتفرجت على مسرحية بودى جارد لعادل امام'
حسين مهران
'مسرحية بودي جارد وحشة أوي، ماقدرتش أكمل نصها، جايز كانت بتضحك من ٢٠ سنة بس دلوقتي لأ'.
محمد مجدي
'أمبارح لقيت مسرحية بودي جارد نزلت قولت انزلها و اتفرج عليها إتصدمت من كم الأهانة اللي بيتعرض ليها الممثلين و غير كمان التحرش الواضح و الصريح بالممثلات
رخص مبالغ فيهما كملتش ساعة منها و قفلتها'.
لولي
'مسرحية بودي جارد للاسف سيئه مرة ما ضحكت ولا بأي مشهد رغم اني كنت متحمسه لأني أحب مسرحيات أيام زمان ومسرحيات عادل إمام بالذات'.
مصطفى هشام
'عاوز أوجه التحية لصاحب قرار منع مسرحية بودي جارد من العرض طول الفترة دي، لأنه قرار في صالح صحتنا الإنجابية وحفاظًا على المرارة، وربنا ما كملنا ساعة منها في البيت وما استحملناش السخافة والابتذال وما اعرفش ازاي دي فضلت تتعرض كل السنين دي ع المسرح'
.
تابعوا آخر أهل مصر على Google News
