تعرض يوسف عمر، أحد العاملين مع النجم محمد رمضان، للإصابة بالحروق في جسده من الدرجة الأولى خلال تصويره إعلان له حيث نتج عن تفجير قنبلة بعدما أوهمه خبير المفرقعات عصام الوريث بأنها مجرد صوت نتج عنها ضرر في قدميه والتهاب في جدار الخصيتين.
وقامت أسرة يوسف عمر بتحرير محضر ضد خبير المفرقعات، موضحة شقيقته أية أن الدكتور أشرف زكي وقف بجواره في تلك اللحظة ونشرت تفاصيل القصة عبر حسابها الرسمي بموقع فيس بوك.
وعلقت أية على الصور التي نشرتها:'ايوة شفت فيديو محمد رمضان ال مصور فيه ظهره محروق علي انغام اغنية كله في حبك يهون
وده مالوش اي معني غير أن سيادته بيشتغل مع شوية هواه والسؤال بقي هل لو الحرق بين رجليه كان كله في حبنا هيهون برضه ولا كان هينزل بأغنية دايما دموع!!'.
وتابعت :'اخويا يوسف ربنا نجاه من الموت امبارح في تصوير اعلان لعبة اسمها فري فاير لمحمد رمضان انفجرت فيه قنبلة فيها بارود وخبير المفرقعات ال بيشتغل مع رمضان اسمه عصام الوريث المفروض جزء من وظيفته الحفاظ على حياة الناس البيشتغل معاهم قاله ديه قنبلة صوت ومطلعتش كدة'.
وأضافت أية:'مفكرش حتى يلبسه حاجة تحميه او ينبه او يعدل مكان وقفته ومن غير سابق انذار ومنغير اي احتياطات تحافظ على جسمه وعلى حياته هو و ال حواليه انفجرت القنبلة تحت رجله والنتيجة حروق من الدرجة الأولى في رجله كلها والتهاب في جدار الخصيتين وعمره كان هيضيع والخصيتين كانوا ينفجروا لولا ستر ربنا وأنه رجع لورا علي اخر لحظة'.
وأختتم :'استاذ عصام كان شايف ان يوسف مأفور وان فيه ايه يعني ال حصل ده انت مثلت مع رمضان ده انت دخلت التاريخ وشوفت المشهد طلع حلو ازاي! استاذ اشرف زكي مشكورا ما سبهوش لحظة وتابع معانا كل التفاصيل فيه تقرير طبي وفيه محضر وكدة كدة حقه مش هنسيبه
والبوست هيفضل مفتوح للتعديل عشان نزود كل تفصيلة في القصة دي اللي عنوانها الإهمال واللامبالاة والفشل والناس اللي فاكرة انها ممكن تعمل اي حاجة و تعدي بيها عادي'.
تابعوا آخر أهل مصر على Google News
