في عيد ميلادها.. دينا الشربيني: "مكنتش متوقعة إن صديقتي تخونني مع خطيبي"

تحتفل اليوم الفنانة دينا الشربيني بعيد بعيد ميلادها الـ36، وهي من مواليد 17 مارس عام 1985 في القاهرة.

وفي حوار قديم لها مع الإعلامية راغدة شلهوب، ببرنامج فحص شامل الذي يذاع عبر قناة الحياة، قالت إنها تعرضت للخيانة من خطيبتها السابق والخيانة كانت مع صديقتها.

وتكلمت دينا الشربيني بلهجة مريرة، موضحة أنه من أكثر المواقف التي وجعتها كثيرا قي حياتها، بسبب أن الخيانة كانت بين خطيبها وصديقتها، وتابعت قائلة: "في الأول مكنتش مصدقة لحد ما اتأكدت، سمعت في الأول ومصدقتش وبعدين روحت مكان وشوفتهم مع بعض".

وتابعت دينا الشربيني بحزن شديد قائلة "لما شوفتهم روحت البيت، معملتش أي حاجة، اتكلمت بعدين، مقدرتش أواجه حتى، اتضايقت منها أكتر منه بكتير..أنا ممكن أتوقع من أي راجل أنه يعمل كده، لكن مكنتش متوقعة أبدا أن صاحبتي اللي عايشة معايا وقريبة مني أوي أنها تعمل كده، ده اللي وجعني، هي وجعتني أكتر منه رغم أنه خطيبي".

وأضافت في حديثها قائلة: "كنت بحكي لها بعشم جدا كنت بعرفها بيحب إيه وبيكره إيه، اديتها المفتاح وطريقة الاستخدام هدية، وصديقتي دي رجعت كلمتني بعد سنتين تقريبا، كانت مبرراتها إن كده كده كانت شايفة موضوعي معاه بايظ ومش هتفرق وكأنها فاعل خير".

وانهت حديثها عن هذا الأمر قائلة: "هو فضل خلال السنتين وأكتر يحاول نرجع، كان بيقول غلطة وأنا آسف وبتاع، لكن أنا كنت خلاص نهيت الموضوع، لازم ننهي الموضوع خاصةً لما يكون الموقف بيتكرر وبنعدي كتير".