علقت الفنانة إلهام شاهين على قضايا التحرش الأخيرة بداية من واقعة ميت غمر وحتى فتاة المترو قائلة: "نفسي البنات مايخافوش لان الخوف ده بيشجع المتحرشين وبيخليهم يحسوا إن البنت هتخاف تقول ده للمجتمع فبيكرروا جرائمهم.
وطالبت في مداخلة هاتفية عبر برنامج "كلمة أخيرة" الذي تقدمه الإعلامية لميس الحديدي على شاشة "ON" بضرورة فضح المتحرشين ووجود قوانين رادعة قائلة:"لازم نفضح المتحرشين ويكون عندنا قوانين حاسمة جداً وبسرعة خاصة أن قضاء مصر شامخ وعظيم هو يأخذ حق البنات دي".
وأكملت: "لازم كل البنات حتى لو تعرضوا للتحرش من المحارم وده فيلمي الأخير بتكلم عنه وأياً كانت درجة القرابة أعمام أو أخوال أو غيره تروح تبلغ فوراً ومتخفس ولازم تواجه المجتمع لأنها غير مخطئة والمخطئ هو الي يخاف مش العكس فالمواجهة تساعد بقية الفتيات".
وأختتمت: "سبب صعوبة تعامل المجتمع مع الفتيات الاتي يتعرضن للتحرش يعود للرجالة المتحرشين هما الي يعملوا ده .. أياً كان المجتمع أنا في النهاية لي نفسي فقط لان البنت مش بتعمل حاجة غلط هي ضحية وأنا بحب المرأة القوية وأطالب الضعيفة بأن تكون قوية ومواجهة ولازم نساعدهم يبقوا كده".
تابعوا آخر أهل مصر على Google News
