مصطفى درويش لـ هند صبري: كل المصريين بيحبوكي وألف سلامة عليكي

رد الفنان مصطفى درويش، على تعليق النجمة هند صبري التي أتهتمت فيه الأشخاص بعدم تحري الدقة على مشاركتها موكب نقل المومياوات الملكية من المتحف المصري لمتحف الحضارة بمفردها، موضحة أن هناك نجوم أخرون مصريون سوف يتصدرون المشهد.

وكتب مصطفى درويش عبر صفحته الرسمية بموقع فيس بوك:"الف الف سلامه عليكي يا هند ربنا يقومك بالسلامة يارب لجمهورك ولأهلك

ردا علي كلامك اللي اجتهد وقال انك لوحدك وانك هتتصدرى المشهد الصحافة لان احنا هنعرف منين خبر نزل "هند صبري فخوره باني هتقدم مشهد الموميات الملكيه".

وتابع مصطفى درويش:"الغلط مش علينا احنا بنحبك وبنحترمك وبنقدر فنك الغلط علي الصحافة اللي كتبت كده بدون ذكر تفاصيل أو أن أسامي مصريين هي مشاركه ومتصدره الموكب فا كل الناس فهمت ان القامات الكبيرة الفنية الكبيرة في مصر مش هتكون موجوده اكيد حقنا نزعل علي قاماتنا واهلنا".

وأشار مصطفى درويش: "كان عتابنا علي المنظمين فقط وليس علي حضرتك أو يخص شخصك نهائي لو كانت الصحافة ذكرت ما ذكرتيه عن مشاركتك مع نجوم وقامات كبيره مكنش حد قال حاجه بالعكس الغلط علي الصحافة اللي نشرت خبر يضايق أي مصري واي مصريه بيحب بلده وبيغير عليها وده حقنا طبعا".

وأختتم مصطفى درويش:"وأخيرا كل المصريين بيحبوكى جدا وبيقدرو فنك وبيقدرو فن أي شخصيه في مصر لان مصر هي بيت الفن الكبير

شكرا ليكي والف سلامه تقومي بالسلامة بإذن الله".