تحدث الفنان عمرو سلامة، عن مشكلة تأخر أجور العاملين في صناعة السينما والتليفزيون، وبعض الأحيان رفض تسليم باقي المبالغ المتبقية، مطالبا الجميع بوقفة واحدة في ذلك الموضوع.
وكتب عمرو سلامة عبر موقع فيس بوك: 'صناعة السينما والتليفزيون كلها إزاي ماوقفتش وقفة موحدة علشان يوقفوا مهزلة بقالها عقود؟ مهزلة تأخير الفلوس أو الأجور أو الأرباح أو أحيانًا انعدام تسليمها'.
وتابع عمرو سلامة: 'إزاي يكون في نظام حقيقي علشان العامل ياخذ فلوسه في وقتها، والفنان ياخذ فلوسه في وقتها، والمنتج ياخذ فلوسه برضه في وقتها، والقنوات تاخد فلوسها من المعلن في وقتها، والموزع ياخذ فلوسه من السينمات في وقتها، وهكذا كل واحد في الشغلانة ديه أجره بيتعطل عند اللي قبليه، والدائرة مفرغة، كل ما تيجي تلوم طرف تلاقيه هو نفسه متعطله فلوس أو ليه فلوس ما قبضهاش'.
وأوضح: 'طبعا اللي على قمة الهرم ممكن يستحملوا لكن اللي تحت هم اللي بيجوعوا وساعات الواحد منهم ممكن مايعرفش يتعالج أو يدفع الإيجار أو يأكل عياله حاسس إن الناس الكبار، اللي على قمة الهرم هم اللي قادرين أكثر نسبيا ياخدوا موقف، ويوقفوا تأثير الدومينا ده، والأصغر من حقهم يطالبوا بأجورهم حاضرة بدون وعود بتسويفها'.
وأشار:'طبعا في ناس كثير في الشغلانة ممكن يكونوا بياخدوا أجور مبالغ فيها، وده الإنطباع اللي عند الناس والجمهور إن الفنانين والسينمائيين دول عايمين في بحور من الفلوس، لكن الحقيقة إن دول الـ 1٪، زي أي مجال المميزين فيه بياخدوا أجور كبيرة جدا- لكن غالبية الناس أجورهم منطقية أو هزيلة، والأسوأ إن ساعات بيستنوا عليها شهور وساعات سنين وساعات مايخدوهاش خالص'.
واختتم عمرو سلامة حديثه: 'مافيش شرير نعرف تشاور عليه في القصة دي، هو بس نظام محتاج يتحط وكل الناس لازم تبحث يتحط إزاي وده المفروض الدور الأول لكل النقابات الفنية ثم ثانيا وأخيرا كل الناس اللي على قمة الهرم'.
تابعوا آخر أهل مصر على Google News
