نشرت الفنانة أسما شريف منير، صورة لها موضحة أنه في حالة حدوث انفصال بين زوجين يشتاق أحد الطرفين للأخر ويشعر بأنه متعب، وتحدثت عن تجربة طلاقها من الفنان محمود حجازي منذ أيام قليلة.
وكتبت أسما عبر صفحتها بموقع إنستجرام:"دايماً لما اتنين بيسيبوا بعض كل واحد فيهم بيبقي عايز التاني يحس انه تعبان من غيره، او فحال اوحش، عشان يعرف يعدي و يقوم، هكدب عليكم لو قلتلكم محستش كده!! بس بما اني مركزه مع تجربتي المرة دي عشان فعلاً عايزه اتعلم و اقوي بجد".
وتابعت أسما:"قعدت احلل الإحساس ده بكل تفاصيله لحد ما وصلت ان لو فعلاً الواحد في يوم حب ازاي ممكن يتمني لحد حاجة زي دي، ايه الأنانية دي؟ حتي لو اتأذيت ليه أوصل اني اتمني ان الشخص التاني يتعب عشان يحس بقيمتي".
وأشارت أسما شريف منير:"ده إحساس مؤذي و ده مش طبعي، فاهذبت نفسي و لومتها و قلت لنفسي ان لو ده اختبار من ربنا يبقي لازم الواحد يكون قده! مش كلام و خلاص و تكون النهايات اخلاق مش ادعاء ، لكل ست في نفس الموقف لو حسيتي بكده اقفي مع نفسك! وقفي نفسك، و غيري التفكير ده من جذوره و دعي الخلق للخالق".
وأختتمت أسما حديثها:"ركزي في ازاي تقومي بطريقة صحية و اتمني لغيرك اللي تتمنيه لنفسك عشان {وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا} سامحي حتي لو مش أنتي اللي غلطانه، ان الله غفور رحيم (لا تنسوا الفضل بينكم)".
وأعلنت الفنانة أسما شريف منير، عن انفصالها من زوجها الفنان محمود حجازي، بعد زواج أستمر أكثر من 3 سنوات ولم يثمر عن أبناء منه.
وكتبت أسما شريف منير عبر حسابها على فيس بوك: "ياريت بعد إذنكم تحترموا خصوصية الموقف من غير شائعات ولا اجتهادات ولا أسئلة محصلش نصيب بكل احترام ونقطة ربنا يكرمنا إحنا الاثنين بس كده مفيش أي تفاصيل تانية إحنا كان في بنا عشرة وعيش وملح وأكيد مش هنتكلم في تفاصيل بيتنا".
تابعوا آخر أهل مصر على Google News
