رد المطرب تامر حسني على رسالة الداعية مصطفى حسني عن غنائه تتر البرنامج الديني 'الثمن'، المقرر عرضه في شهر رمضان، موجها له رسالة عبر صفحته الرسمية بموقع إنستجرام.
وكتب تامر حسني: 'يا مصطفى يا حبيبي أنا اخدمك بعنيا وأنا وصوتي تحت أمرك في أي وقت، أنا اللي بشكرك من كل قلبي عشان سمحت لي أكون جزء بسيط من الخير والعلم اللي بتعمله للناس ولكل أولادنا، ربنا يقدرك و يستخدمك دايما في توحيد الناس بمختلف أفكارهم'.
وتابع: 'و كل سنة وكل يوم تكون سبب في هداية ناس أكتر، سلام كبير جدا لمتابعينك الكرام وأتمنى من كل متابعيني الكرام متابعة مصطفى في جميع الأحوال بيا أو من غيري لأننا كلنا فعلا محتاجين نفهم حاجات كتير يقدمها مصطفى بأجمل، وأرقى شكل وطريقة ومصطفى خير من يتكلم في الإيجابيات اللي يفهمها ويحسها أي شخص و فعلا بيصحح مفاهيم أغلبنا ممكن يكون فاهمها غلط'.
واختتم تامر حسني: 'وأنا شخصيا من أشد محبين مصطفى ومن أشد متابعينه في كل برامجه، ربنا يقدرك يا أملنا الجميل ويعينك ويقويك بقدر مكانتك العظيمة في قلوبنا، كل سنة وأنتوا طيبين ورمضان كريم على الجميع'.
وفي وقت سابق كتب مصطفى حسني، من خلال حسابه الرسمي على موقع إنستجرام: 'قال رسول الله: 'من لم يشكر الناس لم يشكر الله، وأنا حابب أشكرك يا تامر يا صاحبي على أغنية تتر برنامج 'الثمن'.. صوتك العذب وأداءك الصادق.. نعمة كبيرة عليك من ربنا'.
وتابع الداعية مصطفى حسني: 'واللي أثَّر فيَّ يا صاحبي الغالي تواضعك واهتمامك وإقبالك على التعاون علشان نقدم محتوى فيه قيمة مُضافة للعقول والقلوب والأرواح.. تِسلم وتعيش يا صديقي'.
تابعوا آخر أهل مصر على Google News
