شريف إكرامي عن هجوم مهدي سليمان عليه: الكرة رزق مفيهاش ظُلم

علق شريف إكرامي لاعب نادي بيراميدز والأهلي السابق على أزمته مع زميله بالفريق الحارس مهدي سليمان، خلال حواره في برنامج العرافة الذي تقدمه الإعلامية بسمة وهبة على قناة المحور الفضائية.

وقالت بسمة وهبة لشريف إكرامي:' إن مهدي سليمان هاجمه وقال إن إكرامي جاء إلى بيراميدز لكي يلعب أساسيا حتى في ظل تواجد نوير'.

ورد شريف قائلاً: 'مهدي قبل ما أروح بيراميدز كنت بتكلم عليه كويس جدًا، وما زالت حتى في عز الأزمة بتاعته مع الإدارة كنت بتكلم وحاولت أساعده ..وعن إني ظلمته مفيش كده، الكورة مفيهاش ظلم الكرة فيها رزق، والرزق ده بتاع ربنا مكتوبلك هتلعب أمتى وفين'.

وتابع إكرامي حديثه، قائلا: 'فيه أحيانا لما يبقى شخص مش قادر يقيم الواقع أو وعيه مثلا قليل شوية ممكن يقيم نفسه غلط والواقع.. ومش هرد على هجومه.. أنا اتقال عليا كلام كتير من حراس اسمهم أكبر من مهدي ومطلعتش رديت'.