رد المخرج محمد سامي على الهجوم الذي تعرض له من المنتج محمد العدل، بعد ظهور اسم محمد سامي على تتر مسلسل لؤلؤ كمشرف إخراج.
وقال سامي خلال حواره مع الإعلامية بسمة وهبة، ببرنامج العرافة المذاع عبر قناة المحور الفضائية: 'كنت أتمنى أرد بس فيه حجات كتير تمنعني أرد.. دكتور محمد العدل أنا اعرفه كويس وبحترمه وأحبه جدا وأعرفه قبل مايكون منتج كبير، والأستاذ جمال العدل أخويا الكبير وماندو العدل أخويا أرد إزاي؟'.
وتابع: 'أنا طبعا زعلت بدون نقاش وزعلت لسبب واحد، أنا أشرفت على السيناريو والإخراج في مسلسل لؤلؤ ومخرج المسلسل محمد عبدالسلام اللي كسر الدنيا كان مساعدي الأول 6 سنين وقبلها مع كاملة أبو ذكرى، وهو مخرج مهم وشاطر وعمل مسلسل لؤلؤ، وحقق نجاح كبير من أول مرة وده صعب حد يعمله ولما جيت أعمل لؤلؤ كنت أنا اللي بدير المشروع وأنا اللي حطيت محمد ومحمد مهران كمؤلف'.
وأضاف: 'أنا كنت بشرف على كل حاجة بتحصل عشان بحط معاهم خبرتي في المسلسل ده، ودي حصلت في العالم كتير جدا وفي معظم المسلسلات العالمية، وفي الفن من حق كل وأحد يعمل اللي عايزه، إزاي يادكتور محمد بتنادي بالحريات؟ ولم ينقص عند حضرتك أو أي حد شيء ده عمل يخصنا إحنا'.
تابعوا آخر أهل مصر على Google News
